ಕೊಲೆಯಾದ ದುರ್ದೈವಿಯನ್ನು ವೈಭವ ನಗರದ ನಿವಾಸಿ ನಾಸೀರ್ ಅಹ್ಮದ್ ಫಿರ್ಜಾದೆ ಎಂದು ಗುರುತಿಸಲಾಗಿದೆ. ಸ್ನೇಹಿತರಾದ ಇಮ್ರಾನ್ ಅಕ್ಬರ್ ಖಾನ್ ಮತ್ತು ಜಿನೇಂದ್ರ ಬಿಲ್ ಸೇರಿಕೊಂಡು ಆತನನ್ನು ಕೊಲೆಗೈದಿದ್ದು, ಆರೋಪಿಗಳನ್ನು ಬಂಧಿಸಿರುವ ಪೊಲೀಸರು ವಿಚಾರಣೆಯನ್ನು ಕೈಗೊಂಡಿದ್ದಾರೆ.
ಘಟನೆಯ ವಿವರ: ಲಾರಿ ಚಾಲಕನಾಗಿರುವ ನಾಸೀರ್, ಕೂಲಿ ಕಾರ್ಮಿಕ ಇಮ್ರಾನ್ ಮತ್ತು ಆಟೋ ಚಾಲಕನಾಗಿರುವ ಜಿನೇಂದ್ರ ಅವರ ನಡುವೆ ಕೆಲ ತಿಂಗಳಿಂದ ಸ್ನೇಹವಿತ್ತು. ಜನವರಿ 27ರಂದು ಮೂವರು ಸ್ನೇಹಿತರು ಮದ್ಯದ ಪಾರ್ಟಿ ನಡೆಸಿದ್ದು, ಈ ಸಮಯದಲ್ಲಿ ಇಮ್ರಾನ್ ಮೊಬೈಲ್ ಕಳುವಾಗಿದೆ. ಪ್ರೇಯಸಿ ಉಡುಗೊರೆಯಾಗಿ ಕೊಟ್ಟಿದ್ದ ಮೊಬೈಲ್ ಕಾಣದಾದಾಗ ಇಮ್ರಾನ್ ಕೋಪ ನೆತ್ತಿಗೇರಿದೆ. ಗೆಳೆಯ ನಾಸೀರ್ ಅದನ್ನು ಕದ್ದಿದ್ದಾನೆ ಎಂದುಕೊಂಡ ಆತ ಜಗಳಕ್ಕೀಳಿದ್ದಾನೆ. ಕುಡಿದ ಮತ್ತಿನಲ್ಲಿದ್ದ ನಾಸೀರ್ ಕೂಡ ಹೌದು ನಾನೇ ನಿನ್ನ ಮೊಬೈಲ್ ಕದ್ದಿರೋದು, ಕೊಡುವುದಿಲ್ಲ, ಏನು ಮಾಡುತ್ತೀನಿ ಎಂದು ಕೂಗಾಡಿದ್ದಾನೆ.
