ನಾಲ್ಕು ಮಕ್ಕಳ ತಂದೆಯ ಜೊತೆಗೆ ಅಪ್ರಾಪ್ತೆ ಲವ್; ಕೊನೆಗೆ ಇಬ್ಬರಿಗೂ ಆಗಿದ್ದೇನು?

ಲಕ್ನೋ : ನಾಲ್ಕು ಮಕ್ಕಳ ತಂದೆಯ ಜೊತೆಗೆ 17 ವರ್ಷದ ಅಪ್ರಾಪ್ತೆ ಪ್ರೀತಿ ಮಾಡಿದ್ದಕ್ಕೆ ಇಬ್ಬರನ್ನು ಆಕೆಯ ಕುಟುಂಬಸ್ಥರು ಕೊಲೆ ಮಾಡಿದ ಘಟನೆ ಲಕ್ನೋದ ಸಾದತ್ ಗಂಜ್ ಪ್ರದೇಶದ ನೌಬಸ್ತಾ ಕಾಲೋನಿಯಲ್ಲಿ ಶನಿವಾರ ರಾತ್ರಿ ನಡೆದಿದೆ.

ಅಬ್ದುಲ್ ಕರೀಮ್ (26), ಹಾಗೂ 17 ವರ್ಷದ ಹುಡುಗಿ ಮೃತಪಟ್ಟಿದ್ದು, ಮದುವೆಯಾಗಿ 4 ಮಕ್ಕಳಿದ್ದರು ಕರೀಮ್ 17 ವರ್ಷದ ಹುಡುಗಿಯನ್ನು ಪ್ರೀತಿಸುತ್ತಿದ್ದ. ಆದಕಾರಣ ಆಕೆಯನ್ನು ರಹಸ್ಯವಾಗಿ ಭೇಟಿಯಾಗಲು ರಾತ್ರಿ ಆಕೆಯ ಮನೆಗೆ ಹೋದಾಗ ಅವಳ ಕುಟುಂಬಸ್ಥರ ಕೈಗೆ ಸಿಕ್ಕಿಬಿದ್ದಿದ್ದಾನೆ.

ಆಗ ಕರೀಮ್ ನನ್ನು ಆಕೆಯ ಕುಟುಂಬಸ್ಥರು ಹಿಗ್ಗಾಮಗ್ಗಾ ಹೊಡೆಯುತ್ತಿದ್ದಾಗ ಹುಡುಗಿ ಅಡ್ಡಬಂದ ಪರಿಣಾಮ ಇಬ್ಬರು ಸಾವನಪ್ಪಿದ್ದಾರೆ. ಈ ಬಗ್ಗೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಆಕೆಯ ಕುಟುಂಬದ ನಾಲ್ವರು ಆರೋಪಿಗಳನ್ನು ಬಂಧಿಸಿದ್ದಾರೆ.