ಗಾಂಧಿ ಹತ್ಯೆಗೆ ಇಟಲಿ ನಂಟು: ಆಗಸ್ಟ್ 15 ರ ಬಳಿಕ ರಹಸ್ಯ ಬಹಿರಂಗ?
ಗುರುವಾರ, 28 ಜುಲೈ 2016 (17:09 IST)
ಸದಾ ಸ್ಪೋಟಕ ಮಾಹಿತಿ ಹೊರಹಾಕುವ, ವಿವಾದವನ್ನು ಸೃಷ್ಟಿಸುವ ರಾಜಸಭಾ ಸಂಸದ, ಬಿಜೆಪಿಯ ಫೈರ್ ಬ್ರಾಂಡ್ ನಾಯಕ ಸಂಸದ ಸುಬ್ರಮಣಿಯನ್ ಸ್ವಾಮಿ ಹೊಸದೊಂದು ಬಾಂಬ್ ಸಿಡಿಸಿದ್ದಾರೆ.ಮಹಾತ್ಮ ಗಾಂಧಿ ಹತ್ಯೆಗೂ ಇಟಲಿಗೂ ಸಂಬಂಧವಿದೆ. ಅದನ್ನು ಆಗಸ್ಟ್ 15ರ ಬಳಿಕ ಬಹಿರಂಗ ಪಡಿಸುವುದಾಗಿ ಅವರು ಹೇಳಿದ್ದಾರೆ.
ಮಹಾತ್ಮಾ ಗಾಂಧಿ ಹತ್ಯೆ ಕುರಿತಂತೆ ಸಂಸತ್ತಿನಲ್ಲಿ ಚರ್ಚೆಯಾಗಬೇಕೆಂದು ಎಂದು ಪಟ್ಟು ಹಿಡಿದಿರುವ ಸುಬ್ರಮಣಿಯನ್ ಸ್ವಾಮಿ ಗಾಂಧೀಜಿಯವರನ್ನು ಕೊಲ್ಲಲ್ಲು ನಾಥೂರಾಮ್ ಗೂಡ್ಸೆ ಬಳಸಿದ ಗನ್ ಇಟಲಿಯಿಂದ ಆಮದು ಮಾಡಿಕೊಂಡಿದ್ದು . ಹೀಗಾಗಿ ಮಹಾತ್ಮ ಗಾಂಧಿ ಹತ್ಯೆಗೂ ಹಾಗೂ ಇಟಲಿಯ ಅಜ್ಞಾತ ವ್ಯಕ್ತಿಗೂ ಸಂಬಂಧವಿದೆ. ಆಗಸ್ಟ್ 15ರ ಬಳಿಕ ಸುದ್ದಿಗೋಷ್ಠಿ ನಡೆಸಿ ಅದರ ಹಿಂದಿನ ರಹಸ್ಯವನ್ನು ಬಹಿರಂಗಪಡಿಸಲಿದ್ದೇನೆ' ಎಂದು ಸ್ವಾಮಿ ಟ್ವೀಟ್‌ ಮಾಡಿದ್ದಾರೆ. ಈ ಮೂಲಕ ಅವರು ಹೊಸ ವಿಷಯವನ್ನು ಚರ್ಚೆಗೆ ತಂದಿದ್ದಾರೆ.
ಇತ್ತೀಚಿಗೆ ಬಹಿರಂಗವಾಗಿರುವ ಮಹಾತ್ಮಾ ಗಾಂಧಿಯವರ ಹತ್ಯೆ ಕುರಿತಾದ ರಹಸ್ಯ ಕಡತಗಳಲ್ಲಿರುವ ಮಾಹಿತಿಯ ಪ್ರಕಾರ ಗಾಂಧಿ ಅವರ ಮೃತ ದೇಹವನ್ನು ಮರಣೋತ್ತರ ಪರೀಕ್ಷೆಗೆ ಗುರಿಪಡಿಸಲಾಗಿಲ್ಲ. ಹೀಗಾಗಿ ಅವರು ಗೋಡ್ಸೆ ಗುಂಡೇಟಿಗೆ ಸಾವನ್ನಪ್ಪಿದ್ದಾರೆ ಎಂಬುದು ಸಹ ಖಚಿತವಾಗಿಲ್ಲ ಎಂದು ಅವರು ಹೇಳಿದ್ದಾರೆ.
1948ರ ಜನವರಿ 30ರಂದು ಪ್ರಾರ್ಥನಾ ಸಭೆಯಲ್ಲಿ ನಾಥೂರಾಮ್ ಗೋಡ್ಸೆ ಮಹಾತ್ಮಾ ಗಾಂಧೀಜಿಯವರನ್ನು ಗುಂಡಿಕ್ಕಿ ಕೊಂದಿದ್ದ.
ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.
