ಸಲ್ಮಾನ್ ಖಾನ್ ಮದುವೆಯಾಗುವ ಹುಚ್ಚಿನಲ್ಲಿ ಈಕೆ ಮಾಡಿದ್ದೇನು ಗೊತ್ತಾ?!
ಗುರುವಾರ, 6 ಸೆಪ್ಟಂಬರ್ 2018 (09:52 IST)
ಮುಂಬೈ: ಬಾಲಿವುಡ್ ನಟ ಸಲ್ಮಾನ್ ಖಾನ್ ಮೇಲೆ ಅದೆಷ್ಟು ಯುವತಿಯರು ಕ್ರಶ್ ಇಟ್ಟುಕೊಂಡಿಲ್ಲ ಹೇಳಿ? ಆದರೆ ಇಲ್ಲೊಬ್ಬ ಯುವತಿ ಬಾಲಿವುಡ್ ಸೂಪರ್ ಸ್ಟಾರ್ ನ್ನು ಮದುವೆಯಾಗುವ ಹುಚ್ಚಿಗೆ ಬಿದ್ದು ಮಾಡಿದ್ದೇನು ಗೊತ್ತಾ?!
ಉತ್ತರಾಖಂಡ್ ನ 24 ವರ್ಷದ ಯುವತಿಯೊಬ್ಬಳಿಗೆ ಸಲ್ಮಾನ್ ಖಾನ್ ನನ್ನು ಮದುವೆಯಾಗುವ ಆಸೆ. ಇದೇ ಗುಂಗಿನಲ್ಲಿ ಮಾನಸಿಕ ಅಸ್ವಸ್ಥೆಯಾಗಿದ್ದ ಆಕೆ ಆಗಸ್ಟ್ 11 ರಂದು ಮನೆಯಿಂದ ನಾಪತ್ತೆಯಾಗಿದ್ದಳು.
ಬಳಿಕ ಸೀದಾ ಅದು ಹೇಗೋ ಈಕೆ ಸಲ್ಮಾನ್ ಖಾನ್ ರ ಮುಂಬೈ ನಿವಾಸದ ಬಳಿ ಬಂದಿದ್ದಳು. ಆದರೆ ಅಲ್ಲಿ ಭದ್ರತಾ ಸಿಬ್ಬಂದಿಗಳು ಆಕೆಗೆ ಸಲ್ಮಾನ್ ಮನೆಯೊಳಗೆ ಪ್ರವೇಶ ನೀಡಲಿಲ್ಲ. ಇದರಿಂದ ಮತ್ತಷ್ಟು ನೊಂದ ಆಕೆ ಗೊತ್ತು ಗುರಿಯಿಲ್ಲದೇ ಬೀದಿಯಲ್ಲಿ ಅಲೆದಾಡುತ್ತಿದ್ದಳು. ಈಕೆಯನ್ನು ನೋಡಿ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದು ಪೊಲೀಸರು ಈಕೆಯನ್ನು ವಶಕ್ಕೆ ಪಡೆದು ಪೂರ್ವಾಪರ ವಿಚಾರಿಸಿ ಇದೀಗ ಆಕೆಯ ಕುಟುಂಬದವರ ವಶಕ್ಕೊಪ್ಪಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
