ಕರಣ್ ಜೋಹರ್ ಅವರ 'ಏ ದಿಲ್ ಹೈ ಮುಶ್ಕಿಲ್' ಚಿತ್ರದಲ್ಲಿ ಮನಮೋಹಕ ಪಾತ್ರವನ್ನು ಮಾಡುವ ಮೂಲಕ ಬಾಲಿವುಡ್‌ಗೆ ಕಮ್ ಬ್ಯಾಕ್ ಮಾಡಿದ ಐಶ್ವರ್ಯಾ ರೈ ಬಚ್ಚನ್, ಸಾಲು ಸಾಲಾಗಿ ಚಿತ್ರಗಳನ್ನು ಮಾಡುವುದರಲ್ಲಿ ಬ್ಯುಸಿ ಆಗಿದ್ದಾರೆ. ‘ಫನ್ನೆ ಖಾನ್’ ಚಿತ್ರದಲ್ಲಿ ಅಭಿನಯಿಸಿ ಇದೀಗ ಪತಿ ಅಭಿಷೇಕ್ ಬಚ್ಚನ್ ಜೊತೆ ‘ಗುಲಾಬ್ ಜಾಮೂನ್’ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.
ಇದರ ಕುರಿತು ಮಾತನಾಡಿದ ಐಶ್ವರ್ಯಾ '2005 ರಲ್ಲಿನ ‘ಶಬ್ಧ್’ ಚಿತ್ರದ ಸಮಯದಲ್ಲಿ ಸಂಜಯ್ ‘ದಿನ್ ಔರ್ ರಾತ್’ ಮತ್ತು ‘ವೋ ಕೌನ್ ತಿ’ ಬಗ್ಗೆ ಮಾತನಾಡಿದ್ದರು. ಒಂದು ವೇಳೆ ‘ದಿನ್ ಔರ್ ರಾತ್’ ಚಿತ್ರ ಮತ್ತೆ ಬಂದರೆ ಅಮ್ಮನ ಪಾತ್ರದಲ್ಲಿ ನೀನು ನಟಿಸಬೇಕು ಎಂದಿದ್ದರು. ನಾನು ಅವರ ತಾಯಿಯ ಪಾತ್ರವನ್ನು ವಹಿಸಬಹುದೆಂದು ಅವರು ನಂಬಿದ್ದರಿಂದ ನನಗೆ ಸಂತೋಷವಾಯಿತು' ಎಂದು ಹೇಳಿದ್ದಾರೆ.
ಇದಲ್ಲದೆ ಬಾಡಿಗೆ ತಾಯಿ ಕಥೆಯಾಧಾರಿತ ‘ವೋ ಕೌನ್ ತಿ’ ಚಿತ್ರದಲ್ಲಿ ಶಾಹಿದ್ ಕಪೂರ್ ಸಂಗಾತಿಯಾಗಿ ಐಶ್ವರ್ಯಾ ರೈ ಬಚ್ಚನ್ ನಟಿಸುವ ಸಾಧ್ಯತೆ ಇದೆ ಎಂಬ ಸುದ್ಧಿ ಕೇಳಿ ಬರುತ್ತಿದೆ. ಎರಡೂ ಚಿತ್ರಗಳು ತುಂಬಾ ಆಸಕ್ತಿದಾಯಕವಾಗಿದ್ದು, ಈ ಚಿತ್ರಗಳಲ್ಲಿ ನಟಿಸಲು ಉತ್ಸುಕಳಾಗಿದ್ದೇನೆಂದು ಐಶ್ ಹೇಳಿದ್ದಾಳೆ.
