ಮಗ ಕೊಡುತ್ತಿದ್ದ ಚಿತ್ರಹಿಂಸೆಯಿಂದ ಸೊಸೆಯನ್ನ ರಕ್ಷಿಸಲು ತಾಯಿಯೇ ಮಗನನ್ನ ಕೊಂದಿರುವ ಘಟನೆ ಮುಂಬೈನ ಮ್ಯಾನ್ ಖರ್ಡ್ ಪ್ರದೇಶದಲ್ಲಿ ನಡೆದಿದೆ. ಮಗ ಹತ್ಯೆ ಬಳಿಕಿಿಡೀ ರಾತ್ರಿ ತಾಯಿ ಮಗನ ಶವದ ಜೊತೆಯೇ ಕಳೆದಿರುವ ಬಗ್ಗೆ ವರದಿಯಾಗಿದೆ.
ಹತ್ಯೆ ಮಾಡಿದ ಮಹಿಳೆಯನ್ನ 45 ವರ್ಷದ ಅನ್ವಾರಿ ರಿ ಇದ್ರಿಸಿ ಎಂದು ಗುರ್ತಿಸಲಾಗಿದ್ದು, ಪೊಲೀಸರು ಬಂಧಿಸಿ ಕರೆದೊಯ್ದಿದ್ದಾರೆ. ಪೊಲೀಸರು ಹೇಳುವ ಪ್ರಕಾರ, 25 ವರ್ಷದ ನದೀಮ್ ನಾಯ್ಮ್ ತಾಯಿ, ಹೆಂಡತಿ ಮಕ್ಕಳೊಂದಿಗೆ ಅಂಬೇಡ್ಕರ್ ಚಾವ್ಲ್`ನಲ್ಲಿ ವಾಸವಿದ್ದ. ಮಾದಕ ವ್ಯಸನಿಯಾಗಿದ್ದ ನದೀಮ್ ಅದನ್ನ ಮುಚ್ಚಿಟ್ಟು ಮದುವೆಯಾಗಿದ್ದ. ಡ್ರಗ್ಸ್ ಸೇವಿಸಿ ದಿನವೂ ಹೆಂಡತಿಗೆ ಇನ್ನಿಲ್ಲದಂತೆ ಹೊಡೆದು ಹಿಂಸಿಸುತ್ತಿದ್ದ.
ಗಂಡನ ಕಾಟ ತಾಳಲಾರದೇ ಪತ್ನಿ ತವರುಮನೆಗೆ ತೆರಳಲು ಸಿದ್ಧಳಾದಾಗ ಆಕೆಯನ್ನ ತಡೆದ ಅತ್ತೆ ಮಗನಿಗೆ ಬುದ್ಧಿ ಹೇಳಿ ಸರಿಮಾಡುವುದಾಗಿ ಭರವಸೆ ನೀಡಿದ್ದರು. ಆದರೆ, ತಾಯಿ ಮಾತನ್ನೂ ಕೇಳದ ನದೀಮ್ ಮತ್ತೆ ಅದೇ ದುಶ್ಚಟ ಮುಂದುವರೆಸಿದ್ದ. ನದೀಮ್ ಮಿತಿ ಮೀರಿರುವುದನ್ನ ರಿತ ತಾಯಿ ಪತ್ನಿ ಮಕ್ಕಳನ್ನ ಪಕ್ಕದ ಮನೆಗೆ ಕಳುಹಿಸಿದ್ದಾರೆ. ಇದರಿಂದ ವ್ಯಗ್ರನಾದ ನದೀಮ್ ತಾಯಿ ಮೇಲೆಯೇ ಮುಗಿಬಿದ್ದಿದ್ದಾನೆ. ಈ ಸಂದರ್ಭ ದುಪ್ಪಟದಿಂದ ಮಗನ ಕುತ್ತಿಗೆ ಬಿಗಿದು ತಾಯಿ ಕೊಲೆ ಮಾಡಿದ್ದಾಳೆ. ಬೆಳಗ್ಗೆವರೆಗೂ ಶವದ ಮುಂದೆ ಕೂತು ಕಣ್ಣೀರು ಹಾಕಿದ್ದಾಳೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
