ಇಂಧೋರ್: ಹನಿಮೂನ್ ಗೆಂದು ಗಂಡನನ್ನು ಕರೆದುಕೊಂಡು ಹೋಗಿ ಕೊಲೆ ಮಾಡಿದ ಪತ್ನಿ ಸೋನಮ್ ಪೊಲೀಸರ ಮುಂದೆ ಶಾಕಿಂಗ್ ವಿಚಾರಗಳನ್ನು ಹಂಚಿಕೊಂಡಿದ್ದಾಳೆ. ವಿಶೇಷವೆಂದರೆ ಆಕೆಯ ತಂದೆಯೇ ಮಗಳ ಬೆಂಬಲಕ್ಕೆ ನಿಂತಿದ್ದಾರೆ.
ಇಂಧೋರ್ ನ ರಾಜ ರಘುವಂಶಿ ಕೊಲೆ ಪ್ರಕರಣ ಈಗ ದೇಶದಾದ್ಯಂತ ಭಾರೀ ಸದ್ದು ಮಾಡುತ್ತಿದೆ. ಮೇ 10 ರಂದು ಮದುವೆಯಾಗಿದ್ದ ದಂಪತಿ ಬಳಿಕ ಹನಿಮೂನ್ ಗೆಂದು ತೆರಳಿದ್ದರು. ಮೇ 23 ರಿಂದ ಪತಿ ರಘುವಂಶಿ ನಾಪತ್ತೆಯಾಗಿದ್ದ. ಜೂನ್ 2 ರಂದು ಆತನ ಮೃತದೇಹ ಪತ್ತೆಯಾಗಿತ್ತು. ಇದಾದ ಬಳಿಕ ಪತ್ನಿಯೂ ನಾಪತ್ತೆಯಾಗಿದ್ದಳು. ಇದೀಗ ಪತ್ನಿ ಸೋನಮ್ ನನ್ನು ಗಾಝಿಯಾಪುರದ ಢಾಬಾ ಒಂದರಿಂದ ಅರೆಸ್ಟ್ ಮಾಡಲಾಗಿತ್ತು.
ಆಕೆಯೇ ತನ್ನ ಪ್ರಿಯಕರ ಮತ್ತು ಸ್ನೇಹಿತರ ಜೊತೆ ಸೇರಿಕೊಂಡು ಗಂಡನನ್ನು ಕೊಲೆ ಮಾಡಿದ್ದಾಳೆ ಎಂದು ಆರೋಪಿಸಲಾಗಿದೆ. ಆದರೆ ವಿಚಾರಣೆ ವೇಳೆ ಸೋನಮ್ ನಾನು ಗಂಡನ ಕೊಲೆ ಮಾಡಿಲ್ಲ, ಆದರೆ ಕಿಡ್ನ್ಯಾಪ್ ಮಾಡಿದ್ದೆ ಎಂದಿದ್ದಾಳೆ. ವಿಶೇಷವೆಂದರೆ ಆಕೆಯ ತಂದೆಯೂ ಆಕೆಯ ಹೇಳಿಕೆಯನ್ನು ಸಮರ್ಥಿಸಿಕೊಂಡಿದ್ದಾರೆ. ನನ್ನ ಮಗಳು ಕೊಲೆ ಮಾಡುವಂತವಳಲ್ಲ. ಢಾಬಾದಿಂದ ತನ್ನ ಸಹೋದರನಿಗೂ ಕರೆ ಮಾಡಿದ್ದಳು ಎಂದೆಲ್ಲಾ ಹೇಳಿದ್ದು ಮಗಳ ಬೆಂಬಲಕ್ಕೆ ನಿಂತಿದ್ದಾರೆ.
ಸದ್ಯಕ್ಕೆ ಆಕೆಯನ್ನು ಚಿಕಿತ್ಸೆಗಾಗಿ ಸದರ್ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಇಲ್ಲಿಯೂ ಸಿಬ್ಬಂದಿಗಳ ಜೊತೆ ನಾನು ಕೊಲೆ ಮಾಡಿಲ್ಲ ಎನ್ನುತ್ತಲೇ ಇದ್ದಾಳೆ ಎಂದು ತಿಳಿದುಬಂದಿದೆ. ನಾನು ಕಿಡ್ನ್ಯಾಪ್ ಮಾಡಿದ್ದು ನಿಜ, ಆದರೆ ಯಾರನ್ನೂ ಕೊಲೆ ಮಾಡಿಲ್ಲ ಎಂದಿದ್ದಾಳಂತೆ.
