ರಾಹುಲ್ ಗಾಂಧಿ ವಿರುದ್ಧ ಸಿಡಿದೆದ್ದ ಶಿರಡಿ ಸಾಯಿಬಾಬಾ ಭಕ್ತರು! ಕಾರಣವೇನು ಗೊತ್ತಾ?

ನವದೆಹಲಿ: ಬಿಜೆಪಿ ನಾಯಕ ಪಿಯೂಷ್ ಗೋಯಲ್ ಅವರನ್ನು ಟೀಕಿಸುವ ಭರದಲ್ಲಿ ಶಿರಡಿ ಸಾಯಿಬಾಬ ಹೆಸರು ಉಲ್ಲೇಖಿಸಿ ಟ್ವೀಟ್ ಮಾಡಿದ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಇದೀಗ ಸಂಕಷ್ಟಕ್ಕೆ ಸಿಲುಕಿದ್ದಾರೆ.

ಪಿಯೂಷ್ ಗೋಯೆಲ್ ರನ್ನು ಟೀಕಿಸುವಾಗ ‘ಶಿರಡಿಯ ಪವಾಡಗಳಿಗೆ ಕೊನೆಯೇ ಇಲ್ಲ’ ಎಂದು ರಾಹುಲ್ ಟ್ವೀಟ್ ಮಾಡಿದ್ದರು. ಈ ಟ್ವೀಟ್ ಇದೀಗ ಸಾಯಿಬಾಬ ಟ್ರಸ್ಟ್ ಅಧಿಕಾರಿಗಳನ್ನು ಕೆರಳಿಸಿದೆ.

ಅನವಶ್ಯಕವಾಗಿ ರಾಜಕೀಯ ಟೀಕಾ ವಿಚಾರದಲ್ಲಿ ಶಿರಡಿ ಸಾಯಿಬಾಬನ ಹೆಸರು ತಂದು ಲಕ್ಷಾಂತರ ಭಕ್ತರಿಗೆ ರಾಹುಲ್ ಅವಮಾನ ಮಾಡಿದ್ದಾರೆ. ತಕ್ಷಣ ರಾಹುಲ್ ಈ ವಿಚಾರದಲ್ಲಿ ಶಿರಡಿ ಸಾಯಿಬಾಬ ಮತ್ತು ಭಕ್ತರ ಕ್ಷಮೆಯಾಚಿಸಬೇಕೆಂದು ಟ್ರಸ್ಟ್ ಒತ್ತಾಯಿಸಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.