ಕಂದಾಯ ಸಚಿವನ ಮೇಲೆ 'ಕೈ' ಶಾಸಕನಿಂದ ಕಲಾಪದಲ್ಲೇ ಶೂ ಎಸೆತ

ಪಂಜಾಬ್ ಕಂದಾಯ ಸಚಿವ ಬಿಕ್ರಂ ಸಿಂಗ್ ಮಜಿಥಿಯಾ ಅವರ ಮೇಲೆ ಬುಧವಾರ ವಿಧಾನಸಭೆ ಕಲಾಪದ ವೇಳೆ ಶೂ ಎಸೆಯಲಾಗಿದೆ. 

ವರದಿಗಳ ಪ್ರಕಾರ, ಕಾಂಗ್ರೆಸ್ ಶಾಸಕ ತಾರ್ಲೋಚನ್ ಸುಂದ್ ಕಲಾಪದ ಸಂದರ್ಭದಲ್ಲೇ ಶೂವನ್ನು ಎಸೆದಿದ್ದಾರೆ. 

ಕಾಂಗ್ರೆಸ್ ಶಾಸಕರು ಕಳೆದ ಮೂರು ದಿನಗಳಿಂದ ಸದನದ ಒಳಗೆ ಪ್ರತಿಭಟನೆಯನ್ನು ನಡೆಸುತ್ತಿದ್ದಾರೆ.ವಿರೋಧ ಪಕ್ಷಗಳ ಕೋಲಾಹದದ ನಡುವೆಯೂ ಪಂಜಾಬ್ ಸರ್ಕಾರ 10 ನಿಮಿಷದಲ್ಲಿ 12 ಬಿಲ್ ಪಾಸ್ ಮಾಡಿತ್ತು. ಕಲಾಪ ಪ್ರಾರಂಭವಾದ ಅರ್ಧಗಂಟೆಯೊಳಗೆ ಸದನದ ಬಾವಿಗಿಳಿದ ಕೈ ಶಾಸಕರು ಸ್ಪೀಕರ್ ಕಡೆ ಪುಸ್ತಕ ಮತ್ತು ಪೇಪರ್ ಎಸೆದಿದ್ದಾರೆ. 

ಹೀಗಾಗಿ ಪ್ರಶ್ನೋತ್ತರ ವೇಳೆಯನ್ನು ರದ್ದು ಮಾಡಿದ ಸ್ಪೀಕರ್ ಕಲಾಪವನ್ನು ಮುಂದುವರೆಸಿದರು. ಎಸೆಯಲಾಗುತ್ತಿದ್ದ ಪುಸ್ತಕಗಳು ಅವರ ಮೇಲೆ ಬೀಳುವುದನ್ನು ತಡೆಯಲು ಇಬ್ಬರು ಭದ್ರತಾ ಸಿಬ್ಬಂದಿಯನ್ನು ನೇಮಿಸಲಾಯಿತು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ