ವಿಶ್ವ ಆರೋಗ್ಯ ವ್ಯವಸ್ಥೆಯಲ್ಲಿ ‘ಡ್ರೋನ್’ ಗಳ ಪಾತ್ರ ಅಪಾರ ..!

ಆರೋಗ್ಯ ವ್ಯವಸ್ಥೆಗೂ ಡ್ರೋನ್‌ಗಳಿಗೂ ಹೇಗೆ ಸಂಬಂಧ ಅಂತ ಅನೇಕ ಜನರಲ್ಲಿ ಪ್ರಶ್ನೆ ಮೂಡುವುದು ಸಹಜ. ಇತ್ತೀಚೆಗೆ ಅನೇಕ ದೇಶಗಳಲ್ಲಿ ಸರ್ಕಾರಗಳು ತಮ್ಮ ಆರೋಗ್ಯ ವ್ಯವಸ್ಥೆಯನ್ನು ಹೇಗೆ ಬಲಪಡಿಸಿಕೊಳ್ಳಬೇಕು ಎಂದು ಯೋಚಿಸಿ ಈ ಡ್ರೋನ್ ಬಳಕೆಯನ್ನು ಜಾರಿಗೆ ತಂದಿದ್ದು ನಿಜವಾಗಿಯೂ ಪ್ರಶಂಸನೀಯ ಎಂದು ಹೇಳಿದರೆ ತಪ್ಪಾಗುವುದಿಲ್ಲ.

ಈ ಡ್ರೋನ್ಗಳನ್ನು ಮತ್ತಷ್ಟು ಉಪಯೋಗಿಸಿಕೊಳ್ಳಲು ಭಾರತದ ಕೇಂದ್ರ ಸರ್ಕಾರವೂ ಹೊಸ ಯೋಜನೆಯನ್ನು ಪ್ರಾರಂಭಿಸಿದೆ. ಈ ಯೋಜನೆ ಅಡಿಯಲ್ಲಿ, ಡ್ರೋನ್ಗಳು ಈಶಾನ್ಯ ರಾಜ್ಯಗಳಲ್ಲಿರುವ ಪ್ರದೇಶಗಳನ್ನು ತಲುಪುವುದು ಕಷ್ಟಕರವಾಗಿದ್ದು, ಅಂತಹ ಪ್ರದೇಶಗಳಿಗೆ ಕೋವಿಡ್-19 ಲಸಿಕೆಗಳನ್ನು ತಲುಪಿಸುವ ಕೆಲಸ ಮಾಡಲಿವೆ.
ಈ ಹೊಸ ಯೋಜನೆ ಪ್ರಾರಂಭಿಸಿದ ಕೇಂದ್ರ ಆರೋಗ್ಯ ಸಚಿವ ಮನ್ಸುಖ್ ಮಾಂಡವಿಯಾ, ಭಾರತವು ಭೌಗೋಳಿಕ ವೈವಿಧ್ಯತೆಗಳ ನೆಲೆಯಾಗಿದೆ ಮತ್ತು ಎಲ್ಲಾ ಪ್ರದೇಶಗಳಿಗೂ ಅಗತ್ಯ ವಸ್ತುಗಳನ್ನು ತಲುಪಿಸಲು ಡ್ರೋನ್ಗಳನ್ನು ಬಳಸಬಹುದು ಎಂದು ಹೇಳಿದರು. ಡ್ರೋನ್ಗಳನ್ನು ಬಳಸಿಕೊಂಡು ಔಷಧಿಗಳು ಮತ್ತು ಕೋವಿಡ್-19 ಲಸಿಕೆಗಳನ್ನು ತಲುಪಿಸಲು ತೆಲಂಗಾಣ ಸರ್ಕಾರದ "ಮೆಡಿಸಿನ್ಸ್ ಫ್ರಮ್ ದಿ ಸ್ಕೈ" ಎಂಬ ಯೋಜನೆಯೂ ಯಶಸ್ವಿಯಾಗಿದೆ.
ತಜ್ಞರ ಪ್ರಕಾರ, ಡ್ರೋನ್ ಬಳಕೆ ಆರೋಗ್ಯ ವ್ಯವಸ್ಥೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ಡ್ರೋನ್ಗಳನ್ನು ಬಳಸುವುದರಿಂದ ಬೇಕಾದಂತಹ ಔಷಧಿಗಳು, ಲಸಿಕೆಗಳು ವಿಶೇಷವಾಗಿ ದೂರದ ಪ್ರದೇಶಗಳಿಗೆ, ವೇಗವಾಗಿ ಅಗತ್ಯವಿರುವ ಜನರಿಗೆ ತಲುಪಿಸಬಹುದು. ಅಲ್ಲದೆ, ವೈದ್ಯಕೀಯ ಸರಬರಾಜುಗಳನ್ನು ತಲುಪಿಸಲು ಡ್ರೋನ್ಗಳ ಬಳಕೆಯು ಸೀಮಿತ ಪೂರೈಕೆಗಳ ಉತ್ತಮ ಸಂಪನ್ಮೂಲ ನಿರ್ವಹಣೆಗೆ ಸಹಾಯ ಮಾಡುತ್ತದೆ ಮತ್ತು ಸಮಯಕ್ಕೆ ಸರಿಯಾಗಿ ತಲುಪಿಸಲು ಅನುವು ಮಾಡಿಕೊಡುತ್ತದೆ.
ನೇಪಾಳದಲ್ಲಿ ಕ್ಷಯ ಹರಡುವುದನ್ನು ತಡೆಯಲು ಡ್ರೋನ್ಗಳು ಸಹಾಯ ಮಾಡುತ್ತಿವೆ. ರಾಷ್ಟ್ರೀಯ ಕ್ಷಯ ನಿಯಂತ್ರಣ ಕೇಂದ್ರದ ಪ್ರಕಾರ, ಬ್ಯಾಕ್ಟೀರಿಯಾದ ಸೋಂಕು ಜನಸಂಖ್ಯೆಯ ಅರ್ಧದಷ್ಟು ಜನರನ್ನು ಬಾಧಿಸುತ್ತಿದೆ ಮತ್ತು ಇದು ದೇಶದಲ್ಲಿ ಸಾವನ್ನಪ್ಪುತ್ತಿರುವ ಜನರ ಸಾವಿಗೆ ಮೊದಲ ಹತ್ತು ಕಾರಣಗಳಲ್ಲಿ ಇದು ಒಂದಾಗಿದೆ ಎಂದು ಹೇಳಬಹುದು.
ಕೆಲವು ಸಮುದಾಯಗಳನ್ನು ದಾರಿಯ ಮೂಲಕ ತಲುಪುವುದು ಕಷ್ಟವಾಗಬಹುದು, ಇದರಿಂದ ನಿವಾಸಿಗಳಿಗೆ ಆರೋಗ್ಯ ರಕ್ಷಣೆಯ ಲಭ್ಯತೆ ಕಡಿಮೆಯಾಗಿದೆ.
ಕೆಲವೊಮ್ಮೆ, ಜನರು ಜ್ವರ, ಅತಿಸಾರ ಅಥವಾ ತುಲನಾತ್ಮಕವಾಗಿ ಸಣ್ಣ ಅಸ್ವಸ್ಥತೆಯಿಂದಲೂ ಮರಣ ಹೊಂದುವ ಸಾಧ್ಯತೆಗಳಿವೆ, ಏಕೆಂದರೆ ನೆರೆಯ ಆರೋಗ್ಯ ಸೌಲಭ್ಯ ತಲುಪಲು ಅವರಿಗೆ ಹಲವಾರು ಗಂಟೆಗಳು ತೆಗೆದುಕೊಳ್ಳುತ್ತವೆ. ಡ್ರೋನ್ಗಳು ತ್ವರಿತವಾಗಿ ಮತ್ತು ಸುರಕ್ಷಿತವಾಗಿ ಪರೀಕ್ಷಾ ಮಾದರಿಗಳನ್ನು ವರ್ಗಾಯಿಸಿ ಅವುಗಳ ಫಲಿತಾಂಶ ಪಡೆಯುವುದರಿಂದ ರೋಗಹರಡುವಿಕೆಯನ್ನು ನಿಧಾನಗೊಳಿಸುತ್ತವೆ.
ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ, ದಕ್ಷಿಣ ಪೆಸಿಫಿಕ್ ದ್ವೀಪಗಳು ಹವಾಮಾನ ಬದಲಾವಣೆಗೆ ಅತ್ಯಂತ ದುರ್ಬಲವಾಗಿವೆ. ಫಿಜಿಯಲ್ಲಿ ತೀವ್ರ ಪ್ರವಾಹ ಬಂದು ದೀರ್ಘಕಾಲದವರೆಗೆ ನೀರು ಹಾಗೆ ನಿಂತು ಸೊಳ್ಳೆಗಳಿಗೆ ಅಡಗುತಾಣವಾಗಿದ್ದು, ಡೆಂಗ್ಯೂ ಜ್ವರದಂತಹ ರೋಗಗಳು ಹೆಚ್ಚಾಗುತ್ತಿವೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.