ಪ್ರೇಯಸಿಯ ಜೊತೆಗೆ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದ್ದ ಪ್ರಿಯತಮನನ್ನು ಕೊಂದ ಗ್ರಾಮಸ್ಥರು
ಸೋಮವಾರ, 3 ಜೂನ್ 2019 (13:03 IST)
ಗೋರಕ್ ಪುರ : ಯುವತಿಯೊಬ್ಬಳ ಜೊತೆ ಆಕೆಯ ಪ್ರಿಯತಮ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದ್ದಕ್ಕೆ ಆತನನ್ನು ಆಕೆಯ ಕುಟುಂಬಸ್ಥರು ಹೊಡೆದು ಸಾಯಿಸಿದ ಘಟನೆ ಉತ್ತರಪ್ರದೇಶದ ಗೋರಕ್ ಪುರ್ ನಲ್ಲಿ ನಡೆದಿದೆ.
ಸೂರಜ್(24) ಕೊಲೆಯಾದ ಯುವಕ. ಈತ ತನ್ನ ಪ್ರೇಯಸಿಯ ರೂಮಿನಲ್ಲಿ ಆಕೆಯ ಜೊತೆ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದ್ದಾಗ ಆಕೆಯ ಸಹೋದರ ರೂಮಿಗೆ ಬಂದಿದ್ದಾನೆ. ಆಗ ಸೂರಜ್ ಆಕೆಯ ಸಹೋದರನ ಮೇಲೆ ಗುಂಡು ಹಾರಿಸಿದ್ದಾನೆ. ಇದರಿಂದ ಆತ ಗಾಯಗೊಂಡಿದ್ದು, ತಕ್ಷಣ ಅಲ್ಲಿಗೆ ಗ್ರಾಮಸ್ಥರು ಹಾಗೂ ಕುಟುಂಬದವರು ಬಂದು ಸೂರಜ್ ಮೇಲೆ ಹಲ್ಲೆ ಮಾಡಿ ಹೊಡೆದು ಸಾಯಿಸಿದ್ದಾರೆ.
ಈ ಘಟನೆಗೆ ಸಂಬಂಧಿಸಿದಂತೆ ಯುವತಿಯ ತಂದೆ ಹಾಗೂ ಸಹೋದರ ಸೇರಿದಂತೆ ಆರು ಮಂದಿ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ತನಿಖೆ ನಡೆಸುತ್ತಿದ್ದಾರೆ.
