ಕೋಪದಲ್ಲಿ ಪತಿಯ ಗುಪ್ತಾಂಗ ಕತ್ತರಿಸಿದ ಪತ್ನಿ

ನಮ್ಮ ಕೋಪ ನಮಗೆ ಶತ್ರು ಎಂದು ಹೇಳುತ್ತಾರೆ. ಒಂದು ವೇಳೆ ಕೋಪವನ್ನು ನಿಯಂತ್ರಣದಲ್ಲಿಟ್ಟುಕೊಂಡಲ್ಲಿ ಯಾವುದೇ ಅಹಿತಕರ ಘಟನೆಗಳು ನಡೆಯುವುದಿಲ್ಲ. ಕೋಪದಿಂದ ನಷ್ಟ ಅನುಭವಿಸಬೇಕಾಗುತ್ತದೆಯೇ ಹೊರತು ಲಾಭವಾಗುವುದಿಲ್ಲ. ಇದರಂತಹ ಕೋಪದ ಭರದಲ್ಲಿ ಪತ್ನಿಯೊಬ್ಬಳು ಮಾಡಿದ ಕೃತ್ಯದಿಂದ ಜೈಲು ಪಾಲಾಗಿದ್ದಾಳೆ.

ನಿಜವಾಗಿ ನಡೆದಿದ್ದು ಏನೆಂದರೆ, ಹೈದ್ರಾಬಾದ್‌ನ ಎಲ್‌ಬಿ ನಗರದಲ್ಲಿ ಸತತ 10 ವರ್ಷಗಳಿಂದ ಶೇರ್ ಸಿಂಗ್ ಮತ್ತು ಸಂತೋಷಿ ದಂಪತಿಗಳು ವಾಸವಾಗಿದ್ದಾರೆ. ದಂಪತಿಗಳಿಗೆ ಇಬ್ಬರು ಮಕ್ಕಳಿದ್ದಾರೆ. ಆದರೆ, ಪತಿ ಶೇರ್‌ಸಿಂಗ್ ಮದ್ಯ ವ್ಯಸನಿ.ಮದ್ಯ ಸೇವಿಸಿದನೆಂದರೆ ಪತ್ನಿಯೊಂದಿಗೆ ಜಗಳವಾಗುವುದು ಗ್ಯಾರೆಂಟಿ. ಒಂದು ಸಣ್ಣ ವಿಷಯಕ್ಕೆ ದಂಪತಿಗಳ ಮಧ್ಯೆ ಜಗಳ ಆರಂಭವಾಗಿದೆ. 

ಪತಿಯ ವರ್ತನೆಯಿಂದ ಕೋಪದಲ್ಲಿದ್ದ ಪತ್ನಿ ಸಂತೋಷಿ,ಅಡುಗೆ ಮನೆಯಲ್ಲಿ ಬಳಸುವ ಕತ್ತಿಯನ್ನು ತೆಗೆದುಕೊಂಡು ಪತಿಯ ಮರ್ಮಾಂಗವನ್ನು ಕತ್ತರಿಸಿಹಾಕಿದ್ದಾಳೆ. ಮರ್ಮಾಂಗ್ ಕಟ್ ಆಗುತ್ತಲೆ ಶೇರ್ ಸಿಂಗ್ ವಿಲ ವಿಲ ಒದ್ದಾಡಲು ಆರಂಭಿಸಿದ್ದಾನೆ. ಇದನ್ನು ಕಂಡು ಕಂಗಾಲದ ಪತ್ನಿ ರೋಧಿಸಿದ್ದಾಳೆ. ನಂತರ ಕತ್ತರಿಸಿದ ಪತಿಯ ಮರ್ಮಾಂಗವನ್ನು ತೆಗೆದುಕೊಂಡು ಪತಿಯನ್ನು ಆಸ್ಪತ್ರೆಗೆ ದಾಖಲಿಸಿದ್ದಾಳೆ. ಕೂಡಲೇ ವೈದ್ಯರು ಶೇರ್‌ಸಿಂಗ್‌ಗೆ ಚಿಕಿತ್ಸೆ ನೀಡಿದ್ದು ಪ್ರಾಣಾಪಾಯದಿಂದ ಪಾರಾಗಿದ್ದಾನೆ ಎಂದು ತಿಳಿಸಿದ್ದಾರೆ. ಆದರೆ, ಪತಿಯ ಮರ್ಮಾಂಗ ಕತ್ತರಿಸಿದ ಪತ್ನಿಯ ಮೇಲ್ ಕೇಸ್ ದಾಖಲಾಗಿದ್ದು ಆಕೆಯನ್ನು ಬಂಧಿಸಲಾಗಿದೆ.