ಡಿಫರೆಂಟ್ ಆಗಿ ಬರ್ತ್ ಡೇ ಆಚರಿಸಲು ಹೋಗಿ ಪೊಲೀಸರ ಕೈಗೆ ಸಿಕ್ಕಿಬಿದ್ದರು!

ಪುಣೆ: ಬರ್ತ್ ಡೇ ಪಾರ್ಟಿ ಡಿಫರೆಂಟ್ ಆಗಿರಲೆಂದು ಯುವಕರಿಬ್ಬರು ಕತ್ತಿ-ಖಡ್ಗ ತಂದು ಪೊಲೀಸರ ಕೈಗೆ ಸಿಕ್ಕಿಬಿದ್ದ ಘಟನೆ ಪುಣೆಯಲ್ಲಿ ನಡೆದಿದೆ.

ಇಬ್ಬರು ಯುವಕರು ತಮ್ಮ ಬರ್ತ್ ಡೇ ಕೇಕ್ ಕಟ್ ಮಾಡಲು ಹರಿತವಾದ ಆಯುಧಗಳನ್ನು ಖರೀದಿಸಿ ತಂದಿದ್ದರು. ಬಳಿಕ ಅದರಲ್ಲೇ ಕೇಕ್ ಕಟ್ ಮಾಡಿ ಆ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್ ಲೋಡ್ ಮಾಡಿದ್ದರು.

ಇದರಿಂದಲೇ ಅವರೀಗ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಫೋಟೋ ನೋಡಿದ ಪೊಲೀಸರು ಯುವಕರನ್ನು ಸುಲಭವಾಗಿ ಸೆರೆಹಿಡಿದಿದ್ದು, ಜೊತೆಗೆ ಆಯುಧ ತಯಾರಿಸಿಕೊಟ್ಟ ವ್ಯಕ್ತಿಯನ್ನೂ ಬಂಧಿಸಿದ್ದಾರೆ. ಜೊತೆಗೆ ಅವರಿಂದ ಆಯುಧಗಳನ್ನೂ ವಶಪಡಿಸಿಕೊಳ್ಳಲಾಗಿದೆ. ಅಂತೂ ಡಿಫರೆಂಟ್ ಆಗಿ ಬರ್ತ್ ಡೇ ಆಚರಿಸಲು ಹೋಗಿ ಯುವಕರೀಗ ಪೊಲೀಸರ ಅತಿಥಿಯಾಗಿದ್ದಾರೆ.