ಕೆಲ ಮಹಿಳಾ ಕ್ರೀಡಾಪಟುಗಳು ಗ್ಲಾಮರ್ ಮತ್ತು ಫ್ಯಾಶನ್ ಜಗತ್ತಿಗೆ ಮಾರು ಹೋಗುತ್ತಾರೆ. ಆದರೆ, ಖ್ಯಾತ ಕ್ರೀಡಾಪಟುವಾಗಿದ್ದರೂ ಸಾಮಾನ್ಯ ಯುವತಿಗಿರುವಂತೆ ಆಸೆ ಬಯಕೆಗಳು ಕೂಡಾ ನನ್ನಲ್ಲಿವೆ ಎಂದು ಖ್ಯಾತ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಹೇಳಿದ್ದಾರೆ.
ಇಂಡಿಯಾ ಇಂಟರ್‌ನ್ಯಾಷನಲ್ ಜ್ಯುವೆಲ್ಲರಿ ವೀಕ್ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಮಾತನಾಡಿದ ಸಾನಿಯಾ, ನನಗೆ ರ್ಯಾಂಪ್ ಮೇಲೆ ನಡೆದಾಡಲು ತುಂಬಾ ಇಷ್ಟವಾಗುತ್ತದೆ. ಬ್ಲೆಂಡರ್ಸ್ ಪ್ರೈಡ್ ಫ್ಯಾಶನ್ ಟೂರ್, ಇಂಡಿಯನ್ ಬ್ರೈಡಲ್ ಫ್ಯಾಶನ್ ವೀಕ್ ಮತ್ತು ಗ್ಲೋಬಲ್ ಫ್ಯಾಶನ್ ವೀಕ್ ಶೋ ಕಾರ್ಯಕ್ರಮಗಳಲ್ಲಿ ಪಾಲ್ಗೊಂಡಿರುವುದು ಸಂತಸ ತಂದಿದೆ ಎಂದರು.
