ಅನಿಲ್ ಕುಂಬ್ಳೆ ವಜಾ ವಿರೋಧಿಸಿ ರಾಜೀನಾಮೆಯಿತ್ತರೇ ಬಿಸಿಸಿಐ ಅಧಿಕಾರಿ?
ಹಾಗೊಂದು ಅನುಮಾನಗಳು ಬಿಸಿಸಿಐ ವಲಯದಲ್ಲಿ ಕೇಳಿಬರುತ್ತಿವೆ. ಮೂಲಗಳ ಪ್ರಕಾರ ರಾಮಚಂದ್ರ ಗುಹಾ ಅವರಿಗೆ ಅನಿಲ್ ಕುಂಬ್ಳೆಯನ್ನು ಕೋಚ್ ಸ್ಥಾನದಲ್ಲಿ ಮುಂದುವರಿಸದೇ ಇರುವುದರ ಬಗ್ಗೆ ಅಸಮಾಧಾನವಿದೆ. ಅದನ್ನು ಪ್ರತಿಭಟಿಸಲು ಅವರು ತಮ್ಮ ರಾಜೀನಾಮೆ ನೀಡಿದ್ದಾರೆ ಎನ್ನಲಾಗಿದೆ.
ಕುಂಬ್ಳೆಗೆ 2019 ರ ವಿಶ್ವಕಪ್ ವರೆಗೆ ಸ್ಥಾನ ನೀಡಬಾರದೇಕೆ ಎನ್ನುವುದು ಗುಹಾ ಪ್ರಶ್ನೆಯಾಗಿತ್ತು. ಈ ಬಗ್ಗೆ ಅವರು ಅಧಿಕಾರಿಗಳೊಂದಿಗೆ ವಾದಿಸಿದ್ದರು. ಆದರೆ ತಮ್ಮ ವಾದಕ್ಕೆ ಬೆಲೆ ನೀಡದೇ ಹೊಸ ಕೋಚ್ ಗೆ ಅರ್ಜಿ ಆಹ್ವಾನಿಸಿದ್ದರಿಂದ ಅಸಮಾಧಾನಗೊಂಡು ಅವರು ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದರು ಎನ್ನಲಾಗುತ್ತಿದೆ.
