34 ವರ್ಷದ ಹಿಂಗಿಸ್ ಮತ್ತು 28 ವರ್ಷ ವಯಸ್ಸಿನ ಭಾರತದ ಸ್ಟಾರ್ ಆಟಗಾರ್ತಿ ಸಾನಿಯಾ ಮಿರ್ಜಾ ಮೊದಲ ಸೆಟ್‌ನಲ್ಲಿ ಸೋಲನುಭವಿಸಿ ಅಂತಿಮ ಸೆಟ್‌ನಲ್ಲಿ 2-5ರಿಂದ ಹಿಂದಿದ್ದರೂ ರಷ್ಯಾದ ಜೋಡಿಗಳಾದ ಎಕ್ತೆರಿನಾ ಮಕರೋವಾ ಮತ್ತು ಎಲೆನಾ ವೆಸ್ನಿನಾ ವಿರುದ್ಧ 5-7, 7-6(7/4), 7-5 ಸೆಟ್‌ಗಳಿಂದ ಜಯಗಳಿಸಿದರು.
ಇದು ಟಾಪ್ ಸೀಡ್‌ನ ಮೊದಲ ಗ್ರಾಂಡ್ ಸ್ಲಾಮ್ ಪ್ರಶಸ್ತಿಯಾಗಿದ್ದು, ಈ ವರ್ಷದ ಮಾರ್ಚ್‌ನಲ್ಲಿ ಜೋಡಿಯಾಗಿ ಆಡಲು ನಿರ್ಧರಿಸಿದ್ದರು. ಹಿಂಗಿಸ್ 1996ರಲ್ಲಿ ಹೆಲೆನಾ ಸುಕೋವಾ ಮತ್ತು 1998ರಲ್ಲಿ ಜಾನಾ ನೊವೋಟ್ನಾ ಜೊತೆ ವಿಂಬಲ್ಡನ್ ಡಬಲ್ಸ್ ಪ್ರಶಸ್ತಿ ಗೆದ್ದಿದ್ದರು. ಸಾನಿಯಾ ಮಿರ್ಜಾ ಮಿಶ್ರಿತ ಡಬಲ್ಸ್‌ಗಳಲ್ಲಿ ಜಯಗಳಿಸಿದ್ದರೂ, ಗ್ರಾಂಡ್ ಸ್ಲಾಮ್‌ನಲ್ಲಿ ಮಹಿಳಾ ಡಬಲ್ಸ್ ಗೆಲ್ಲುತ್ತಿರುವುದು ಇದೇ ಮೊದಲು.
