ಭಾನುವಾರ ಬಾಬು ಬನಾರಸಿ ದಾಸ್ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಮಹಿಳೆಯರ ಸಿಂಗಲ್ಸ್ ವಿಭಾಗದ ಫೈನಲ್ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಸೈನಾ ನೆಹ್ವಾಲ್ ವಿಶ್ವ ಚಾಂಪಿಯನ್ ಸ್ಪೇನ್ ಆಟಗಾರ್ತಿ ಕ್ಯಾರೋಲಿನ್ ಮರೀನ್ ವಿರುದ್ಧ 19--21, 25--23, 21--16 ಗೇಮ್ ಗಳ ಅಂತರದಲ್ಲಿ ಗೆಲವು ದಾಖಲಿಸಿದರು. ಒಂದು ಗಂಟೆ 19ನಿಮಿಷಗಳ ಕಾಲ ನಡೆದ ಪಂದ್ಯದಲ್ಲಿ ಸೈನಾ ನೆಹ್ವಾಲ್ ಆರಂಭದಲ್ಲಿ ಹಿನ್ನಡೆ ಅನುಭವಿಸಿದರೂ ನಂತರ ಹೋರಾಟ ನಡೆಸಿದ ಸೈನಾ ಗೆಲವು ದಾಖಲಿಸುವಲ್ಲಿ ಯಶಸ್ವಿಯಾದರು.
ಪಂದ್ಯದ ಮೊದಲ ಗೇಮ್ ನಲ್ಲಿ ಎದುರಾಳಿ ಆಟಗಾರ್ತಿ ವಿರುದಟಛಿ ಮಂಕಾಗಿ ಕಂಡ ನೆಹ್ವಾಲ್ 19-21 ಅಂಕಗಳ ಅಂತರದಲ್ಲಿ ಹಿನ್ನಡೆ ಅನುಭವಿಸಿದರು. ಆದರೆ, ಜಿದ್ದಾಜಿದ್ದಿನಿಂದ ಕೂಡಿದ್ದ ಎರಡನೇ ಗೇಮïನಲ್ಲಿ ತಿರುಗಿ ಬಿದ್ದ ಸೈನಾ 25-23 ಅಂಕ ಸಂಪಾದಿಸಿ ಸಮಬಲ ಸಾಧಿಸಿದರು. ಇದೇ ನಿಯಂತ್ರಣವನ್ನು ಮೂರನೇ ಗೇಮ್ ನಲ್ಲೂ ಮುಂದುವರಿಸಿದ ಭಾರತದ ತಾರೆ 21-16 ಅಂತರದ ಮುನ್ನಡೆಯೊಂದಿಗೆ ಗೆಲವಿನ ನಗೆ ಬೀರಿದರು.
