ಪಂದ್ಯವನ್ನು ವೀಕ್ಷಿಸಲು ಬಂದಿದ್ದ ಮೆಸ್ಸಿ ಕುಟುಂಬದವರನ್ನು ಏಕಾಏಕಿ ಎದುರಾಳಿ ಚಿಲಿ ತಂಡದ ಅಭಿಮಾನಿಗಳು ಹೀಯಾಳಿಸಲು ಆರಂಭಿಸಿದ್ದಾರೆ. ತಮ್ಮ ತಂಡದ ವಿರುದ್ಧವಾಗಿ ಆಡುತ್ತಿದ್ದ ಅರ್ಜೇಂಟೀನಾ ತಂಡದ ನಾಯಕ ಮೆಸ್ಸಿ ಅವರ ಮುಂದುವರೆದ ಕಳಪೆ ಪ್ರದರ್ಶನಕ್ಕೆ ಚಿಲಿ ತಂಡದ ಅಭಿಮಾನಿಗಳು ಅಣಕವಾಡಿದ್ದಾರೆ. ಇದಕ್ಕೆ ಮೆಸ್ಸಿ ಕುಟುಂಬದವರು ಆಕ್ಷೇಪ ವ್ಯಕ್ತಪಡಿಸಿದಾಗ ಅಭಿಮಾನಿಗಳು ಹೀಯಾಳಿಸಲು ಆರಂಭಿಸಿದರು ಮತ್ತು ಅವರಲೊಬ್ಬ ಮೆಸ್ಸಿ ಅವರ ಸಹೋದರ ರೋಡ್ರಿಗೋ(28) ಮೇಲೆ ಹಲ್ಲೆ ಮಾಡಿದ. ಸದ್ಯ ರೋಡ್ರಿಗೋ ಸಣ್ಣಪುಟ್ಟ ಗಾಯಗಳೊಂದಿಗೆ ಪಾರಾಗಿದ್ದಾರೆ. ಹೆಚ್ಚಿನ ಅಪಾಯ ಸಂಭವಿಸುವ ಮೊದಲು ಭದ್ರತಾ ಸಿಬ್ಬಂದಿಗಳು ಮೆಸ್ಸಿ ಕುಟುಂಬವನ್ನು ಟೆಲಿವಿಷನ್ ಕ್ಯಾಬಿನ್ಗೆ ಕರೆದುಕೊಂಡು ಹೋದರು.