ಲಂಡನ್: ಇದೇನಿದು? ಫ್ಯಾಮಿಲಿ ಟ್ರಿಪ್ಪಾ ಎಂದು ಅಚ್ಚರಿಪಡಬೇಡಿ. ಆದರೆ ಈ ಬಾರಿಯ ವಿಂಬಲ್ಡನ್ ಟೆನಿಸ್ ಟೂರ್ನಿಯಲ್ಲಿ ಗರ್ಭಿಣಿ ಆಟಗಾರ್ತಿ, ಇದೀಗಷ್ಟೇ ಹೆರಿಗೆ ರಜೆ ಮುಗಿಸಿ ಬಂದ ಆಟಗಾರ್ತಿ ಆಡಿದ್ದಾರೆ.
ಲಕ್ಸೆಂಬರ್ಗ್ ನ ನಾಲ್ಕೂವರೆ ತಿಂಗಳ ಗರ್ಭಿಣಿ ಮಿನೆಲ್ಲಾ ವಿಂಬಲ್ಡನ್ ಆಡಿ ಸುದ್ದಿಯಾಗಿದ್ದಾರೆ. ಮೊದಲ ಸುತ್ತಿನಲ್ಲಿ ಆಡಿದ ಅವರು 1-6, 1-6 ಸೆಟ್ ಗಳಿಂದ ಸೋಲನುಭವಿಸಿದ್ದಾರೆ. ಈಗಾಗಲೇ ಸೆರೆನಾ ವಿಲಿಯಮ್ಸ್ ಅಮ್ಮನಾಗುತ್ತಿದ್ದು, ಆ ಕಾರಣಕ್ಕೆ ಈ ಬಾರಿಯ ವಿಂಬಲ್ಡನ್ ತಪ್ಪಿಸಿಕೊಂಡಿದ್ದಾರೆ. ಆದರೆ ಮಿನೆಲ್ಲಾ ಮಾತ್ರ ಹೊಟ್ಟೆಯಲ್ಲಿ ಕಂದಮ್ಮನ ಹೊತ್ತುಕೊಂಡು ಆಡಿ ಗಮನಸೆಳೆದರು.
ಇನ್ನೊಬ್ಬ ಆಟಗಾರ್ತಿ ಮಾಜಿ ವಿಶ್ವ ನಂ.1 ವಿಕ್ಟೋರಿಯಾ ಅಜರೆಂಕಾ. ಅವರು ಇದೀಗ ತಾನೇ ಹೆರಿಗೆ ರಜೆ ಮುಗಿಸಿ ಕಣಕ್ಕೆ ಮರಳಿದವರು. 2 ಸುತ್ತಿನ ಪಂದ್ಯಗಳನ್ನು ಗೆದ್ದು ಭರ್ಜರಿಯಾಗಿ ಕಮ್ ಬ್ಯಾಕ್ ಮಾಡಿದರು. ಕಳೆದ ಡಿಸೆಂಬರ್ ನಲ್ಲಿ ಈಕೆ ಗಂಡು ಮಗುವಿನ ತಾಯಿಯಾಗಿದ್ದರು. ಆ ನಂತರ ಹಲವು ತಿಂಗಳ ವಿಶ್ರಾಂತಿಯ ನಂತರ ಇದೀಗಷ್ಟೇ ಟೆನಿಸ್ ಆಡಲಿಳಿದಿದ್ದರು.
