ಜಗತ್ತಿನ ವೇಗದ ಓಟಗಾರ ಉಸೇನ್ ಬೋಲ್ಡ್ ಅವರಿಗೆ ಸೇರಿದ ಸಹಿಮಾಡಿದ ಓಟದ ಶೂ ಅಂತರ್ಜಾಲದ ಮಾರಾಟದಲ್ಲಿ 16000 ಯೂರೊ ಅಥವಾ 12, 06, 758 ರೂಗಳಿಗೆ ಮಾರಾಟವಾಗಿದೆ. 30 ಬಿಡ್‌ಗಳ ನಂತರ ಅಂತಿಮ ಮೊತ್ತವು ಆರಂಭದ ನಿರೀಕ್ಷೆಗಿಂತ ಎರಡು ಪಟ್ಟಾಗಿತ್ತು. ಮೊದಲಿಗೆ ಹರಾಜು ಮನೆ ಕಟಾವಿಕಿ ಶೂಗೆ 8000 ಯೂರೊ ಬೆಲೆ ಕಟ್ಟಿತ್ತು.
100 ಮೀ ಓಟದಲ್ಲಿ ಚಿನ್ನವಲ್ಲದೇ 200 ಮೀ ಓಟ ಮತ್ತು 4X100 ಮೀ ರಿಲೆಯಲ್ಲಿ ಕೂಡ ಅವರು ಎರಡು ಚಿನ್ನಗಳನ್ನು ಗೆದ್ದಿದ್ದರು. ಉಸೇನ್ ಇತ್ತೀಚೆಗೆ ರಿಯೊ ಒಲಿಂಪಿಕ್ಸ್ ಸ್ಟಾರ್ ಆಗಿ ಹೊಮ್ಮಿದ್ದು, ಮೂರು ಟ್ರಾಕ್ ಮತ್ತು ಫೀಲ್ಡ್ ಈವೆಂಟ್‌ಗಳಲ್ಲಿ ಸತತವಾಗಿ ಮೂರು ಒಲಿಂಪಿಕ್ಸ್‌ಗಳಲ್ಲಿ ಮೂರು ಚಿನ್ನಗಳನ್ನು ಗೆದ್ದ ಶ್ರೇಯಕ್ಕೆ ಪಾತ್ರರಾದರು.
