ಬಿಗ್ ಬಾಸ್ ಕನ್ನಡ: ಚಂದನ್ ಗೆ ಹುಡುಗಿ ಹುಡುಕಿಯೇ ಬಿಟ್ಟ ರಿಯಾಜ್! ಯಾರಾಕೆ ಗೊತ್ತಾ?!

ಬೆಂಗಳೂರು: ಬಿಗ್ ಬಾಸ್ ಮನೆಯಿಂದ ಹೊರ ಹೋದ ತಕ್ಷಣ ಚಂದನ್ ಶೆಟ್ಟಿ

ಮದುವೆಯಾಗುವುದು ಖಂಡಿತಾ ಎನಿಸಿಬಿಟ್ಟಿದೆ. ಮೋಸ್ಟ್ ವಾಂಟೆಡ್ ಬ್ಯಾಚುಲರ್ ಗೆ ರಿಯಾಜ್ ಪರ್ಫೆಕ್ಟ್ ಹುಡುಗಿ ಆಯ್ಕೆ ಮಾಡಿದ್ದಾರೆ! ಆದರೆ ಚಂದನ್ ಮಾತ್ರ ಬೇಡ ಎಂದಿದ್ದಾರೆ. ಅಷ್ಟಕ್ಕೂ ಯಾರಾಕೆ?!

ಬೇರೆ ಯಾರೂ ಅಲ್ಲ, ಬಿಗ್ ಬಾಸ್ ಮನೆಯೊಳಗೆ ಸ್ಪರ್ಧಿಯಾಗಿದ್ದ ಇದೀಗ ಎಲಿಮಿನೇಟ್ ಆಗಿರುವ ಅಶಿತಾ ನಿನಗೆ ತಕ್ಕ ಹುಡುಗಿ ಎಂದು ರಿಯಾಜ್ ಚಂದನ್ ಗೆ ಸಲಹೆ ನೀಡಿದ್ದಾರೆ. ಸಿಕ್ಕರೆ ಆಕೆಯಂತಹ ಕೇರಿಂಗ್, ಸುಂದರ, ಶತ್ರುವನ್ನೂ ಸತ್ಕರಿಸುವ ಗುಣವಿರುವ ಹುಡುಗಿ ಸಿಗಬೇಕು.

ನೀನು ಕನ್ಸರ್ಟ್ ಮುಗಿಸಿಕೊಂಡು ಸುಸ್ತಾಗಿ ಮನೆಗೆ ಬರುವಾಗ ಆಕೆ ಬಾಗಿಲು ತೆರೆದರೆ ಅವಳ ಮುಖ ನೋಡಿದ ತಕ್ಷಣ ನಿನ್ನ ಸುಸ್ತೆಲ್ಲಾ ಮಾಯವಾಗುತ್ತದೆ. ನಿನ್ನ ಮನೆಗೆ ಶತ್ರುವೇ ಬಂದರೂ ಚೆನ್ನಾಗಿ ಊಟ ಹಾಕಿ ಕಳಿಸ್ತಾಳೆ. ಸೀರೆ, ಚೂಡಿದಾರ್, ಪ್ಯಾಂಟ್ ಯಾವ ಡ್ರೆಸ್ ಇರಲಿ ಆಕೆಗೆ ಸೂಟ್ ಆಗುತ್ತೆ. ನಗುವಲ್ಲೇ ಮೋಡಿ ಮಾಡ್ತಾಳೆ. ನನ್ನ ಪ್ರಕಾರ ಆಕೆಯೇ ನಿನಗೆ ಬೆಸ್ಟ್. ಬೇರೆ ಡೌ ಮಾಡೋರನ್ನೆಲ್ಲಾ ಬಿಡು ಎಂದು ರಿಯಾಜ್ ಸಲಹೆ ಕೊಟ್ಟಿದ್ದಾರೆ.

ಆರಂಭದಲ್ಲಿ ಹೌದು ಹೌದು ಎನ್ನುತ್ತಿದ್ದ ಚಂದನ್, ಆದರೆ ನನಗೆ ಹೋಂ ಮೇಕರ್ ಬೇಕು. ಆದರೆ ಅಶಿತಾ ಸಿನಿಮಾಗೆ ಹೋಗಬೇಕೆಂದಿದ್ದಾರೆ. ಅದರಲ್ಲೇ ಬ್ಯುಸಿಯಾಗಿರ್ತಾರೆ. ಹಾಗಾಗಿ ಬೇಡ ಎಂದು ಬಿಟ್ಟರು. ಆದರೆ ಅವರ ಥರಾ ಇರೋ ಹುಡುಗಿ ಸಿಕ್ಕರೆ ಸಾಕು ಎಂದರು!

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ