ಅಂತೂ ನಮ್ಮ ಬಾಸ್ ಬಂದ್ರು: ಬಿಗ್ ಬಾಸ್ ಪ್ರೋಮೋ ನೋಡಿ ಖುಷಿಯಾದ ಕಿಚ್ಚ ಸುದೀಪ್ ಫ್ಯಾನ್ಸ್

ಬೆಂಗಳೂರು: ಬಿಗ್ ಬಾಸ್ ಕನ್ನಡ ಸೀಸನ್ 11 ರಲ್ಲಿ ಕಿಚ್ಚ ಸುದೀಪ್ ಇರಲ್ಲ ಎಂಬ ಅನುಮಾನಗಳಿಗೆ ಈಗ ಉತ್ತರ ಸಿಕ್ಕಿದೆ. ಬಿಬಿಕೆ 11 ಪ್ರೋಮೋ ಬಿಡುಗಡೆಯಾಗಿದ್ದು ಕಿಚ್ಚ ಸುದೀಪ್ ಅವರೇ ನಿರೂಪಣೆ ಮಾಡುವುದು ಪಕ್ಕಾ ಆಗಿದೆ.

ಬಿಗ್ ಬಾಸ್ ಕನ್ನಸ ಸೀಸನ್ 11ರಲ್ಲಿ ಸುದೀಪ್ ಇರಲ್ಲ. ಅವರ ಬದಲು ಬೇರೆ ನಟರು ನಿರೂಪಣೆ ಮಾಡಲಿದ್ದಾರೆ ಎಂಬಿತ್ಯಾದಿ ಸುದ್ದಿಗಳು ಕಳೆದ ಕೆಲವು ದಿನಗಳಿಂದ ಓಡಾಡುತ್ತಿತ್ತು. ಇದರಿಂದ ಸುದೀಪ್ ಅಭಿಮಾನಿಗಳಿಗೆ ಬೇಸರವಾಗಿತ್ತು. ಸುದೀಪ್ ಇಲ್ಲದೇ ಇದ್ದರೆ ನಾವು ಶೋ ನೋಡಲ್ಲ ಎಂದು ಕೆಲವರು ಸೋಷಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದರು.

ಮತ್ತೆ ಕೆಲವರು ಸುದೀಪ್ ಇಲ್ಲದೇ ಇದ್ದರೆ ಅದು ಸಿಂಹನಿಲ್ಲದ ಕಾಡಿನಂತೆ. ಆ ಶೋಗೆ ಕಳೆಯೇ ಇರಲ್ಲ. ಅವರ ಹೊರತಾಗಿ ಬೇರೆ ಯಾರೇ ನಿರೂಪಣೆ ಮಾಡಿದರೂ ಬಿಗ್ ಬಾಸ್ ಶೋ ಹಿಟ್ ಆಗಲ್ಲ ಎನ್ನುತ್ತಿದ್ದರು. ಇದೀಗ ಕೊನೆಗೂ ಸುದೀಪ್ ಅವರೇ ಬಿಬಿಕೆ11 ನಿರೂಪಣೆ ಮಾಡುವುದು ಕನ್ ಫರ್ಮ್ ಆಗಿದೆ.

ನಿನ್ನೆ ಗಿಚ್ಚಿ ಗಿಲಿ ಗಿಲಿ ಶೋ ಫೈನಲ್ ನಲ್ಲಿ ಬಿಗ್ ಬಾಸ್ ಕನ್ನಡ ಸೀಸನ್ 11 ರ ಪ್ರೋಮೋ ಬಿಡುಗಡೆಯಾಗಿದ್ದು, ಇದರಲ್ಲಿ ಸುದೀಪ್ ಕಾಣಿಸಿಕೊಂಡಿದ್ದಾರೆ. ಈ ಬಾರಿ ಮತ್ತಷ್ಟು ಹೊಸತನದೊಂದಿಗೆ ಶೋ ಮಾಡಲು ಬಿಗ್ ಬಾಸ್ ಟೀಂ ತಯಾರಿ ನಡೆಸಿದೆ. ಈ ತಿಂಗಳ ಅಂತ್ಯಕ್ಕೆ ಬಿಗ್ ಬಾಸ್ ಕನ್ನಡ ಸೀಸನ್ 11 ಆರಂಭವಾಗುವ ನಿರೀಕ್ಷೆಯಿದೆ.

ಬದಲಾವಣೆ ಜಗದ ನಿಯಮ; ಅದಕ್ಕೆ ಬಿಗ್ ಬಾಸ್‍‍ ಕೂಡಾ ಹೇಳೋದು 'ಹೌದು ಸ್ವಾಮಿ'. ಆದ್ರೆ ಇವರ ವಿಚಾರದಲ್ಲಿ ಬದಲಾವಣೆ 'ನೋ ವೇ, ಛಾನ್ಸೇ ಇಲ್ಲ'!

ಬಿಗ್ ಬಾಸ್ ಸೀಸನ್ 11 | ಸೆಪ್ಟೆಂಬರ್‌ 29#BiggBossKannada11 #BBK11 #ColorsKannada #BannaHosadaagideBandhaBigiyaagide #ಕಲರ್‌ಫುಲ್‌‌ಕತೆ #Kicchasudeep @KicchaSudeep pic.twitter.com/sVZp5LBGST

— Colors Kannada (@ColorsKannada) September 15, 2024