ಸ್ಟಾರ್ ಸುವರ್ಣ ವಾಹಿನಿಯ ಯಶಸ್ವಿಯ ರಿಯಾಲಿಟಿ ಶೋದಲ್ಲಿ ’ಸೂಪರ್ ಜೋಡಿ’ ಕೂಡಾ ಒಂದು. ಸೀಜನ್ ಒಂದರಲ್ಲಿ ಕಿರುತೆರೆ, ಹಿರಿತೆರೆಯ 10 ಜೋಡಿಗಳು ವೀಕ್ಷಕರಿಗೆ ಮನರಂಜನೆಯ ರಸದೌತಣವನ್ನು ನೀಡಿದ್ದರು. ಈಗ ಅದೇ ಉತ್ಸಾಹದಿಂದ ಸೀಜನ್ 2 ನ್ನು ಪ್ರಾರಂಭಿಸಲು ಹೊರಟಿದೆ.
ಈಗಾಗಲೇ ಈ ಶೋಗೆ ಸಂಬಂಧ ಪಟ್ಟ ಪ್ರೋಮೋ ವಾಹಿನಿಯಲ್ಲಿ ಬಿತ್ತರವಾಗುತ್ತಿದೆ. “ನಾವು ಎಂಥಾ ಸನ್ನಿವೇಷವನ್ನು ಎದುರಿಸುತ್ತೇವೆ, ಆದರೆ ಹೃದಯದಲ್ಲಿರುವವರು ಎದರು ಬಂದಾಗ ಆ ಕ್ಷಣ ಜೀವ ಝಲ್ ಎನ್ನುತ್ತದೆ” ಎಂಬ ಪ್ರೊಮೋದಲ್ಲೇ ಜೋಡಿಗಳ ಅನ್ಯೋನ್ಯತೆ, ಪ್ರೀತಿಯ ಬಗೆಗೆ ಹೇಳಲಾಗಿದೆ ಅನ್ನೋ ಸುಳಿವು ಸಿಗುತ್ತೆ. ಆದರೆ ಈ ಶೋನ ಜಯಮಾಲೆ ಧರಿಸಬೇಕಾದರೆ ದಿಲ್ ಜೊತೆ ಧಮ್ ಇರಬೇಕು.
ಅಸಲಿ ಜೋಡಿಗಳ ಬಾಂಧವ್ಯವನ್ನು ತೋರಿಸುವಂಥ ರಿಯಾಲಿಟಿ ಶೋ "ಸೂಪರ್ ಜೊಡಿ" ಕರ್ನಾಟಕದ ಹತ್ತು ಜನಪ್ರಿಯ ಜೋಡಿಗಳು ಕರ್ನಾಟಕದ ನೆಚ್ಚಿನ ಸೂಪರ್ ಜೋಡಿಯಾಗಲು ತಯಾರಿ ನಡೆಸಿದ್ದು, ಆಟವಾಡುತ್ತಾ ಹರಟೆ ಹೊಡೆಯುತ್ತಾ, ಕೊಟ್ಟಿರುವ ಟಾಸ್ಕ್‌ಗಳನ್ನು ಎದುರಿಸಲು ರೆಡಿಯಾಗಿದ್ದಾರೆ.
ಈ ಸೀಸನ್ ನ ಟಾಸ್ಕಗಳು ಕಲ್ಪನೆಗೂ ಮೀರಿದ್ದು, ಒಟ್ಟಾರೆ ಅಭಿಮಾನಿಗಳಿಗೆ ಈ ಸಲ ಡಬ್ಬಲ್ ಧಮಾಕಾ ಜೊತೆಗೆ ಡಬ್ಬಲ್ ಥ್ರಿಲ್ ಗ್ಯಾರಂಟಿ ಎನ್ನುತ್ತಿದೆ ವಾಹಿನಿ. ಈಗಾಗಲೇ ಕರ್ನಾಟಕದ ಮನೆಮಾತಾಗಿರುವ ಅಕುಲ್ ಬಾಲಾಜಿ ಈ ಸೀಜನ್ ನಿರೂಪಕ. “ಸೂಪರ್ ಜೋಡಿ” ಈ ಸೀಜನ್‍ನಲ್ಲಿ ಯಾರು ಆ ಹತ್ತು ಜೋಡಿಗಳು? ಯಾವ ರೀತಿ ಈ ಜೋಡಿಗಳು ರಂಜಿಸುತ್ತಾರೆ ಎಂಬುದನ್ನು ಕಾದುನೋಡಬೆಕಾಗಿದೆ.
