ಅಮರ್ ಅಕ್ಬರ್ ಅಂತೋನಿ ಚಿತ್ರದಲ್ಲಿ ನಟಿಸಲು ಕಾಜಲ್ ಅಗರ್ ವಾಲ್ ಇಟ್ಟ ಬೇಡಿಕೆ ಏನು ಗೊತ್ತೇ?
ಶುಕ್ರವಾರ, 13 ಜುಲೈ 2018 (07:24 IST)
ಹೈದರಾಬಾದ್ : ತಮಿಳು, ತೆಲುಗಿನಲ್ಲಿ ಅನೇಕ ಸೂಪರ್ ಹಿಟ್ ಸಿನಿಮಾದಲ್ಲಿ ನಟಿಸಿದ ಕಾಜಲ್ ಅಗರ್ ವಾಲ್ ಅವರು ಈಗ ಬಹುಬೇಡಿಕೆಯ ನಟಿ ಎನಿಸಿಕೊಂಡಿದ್ದಾರೆ. ಆದಕಾರಣ ಇವರಿಗೆ ಅಮರ್ ಅಕ್ಬರ್ ಅಂತೋನಿ ಸಿನಿಮಾದಲ್ಲಿ ನಟ ರವಿತೇಜಾ ಅವರ ಜೊತೆ ನಟಿಸುವ ಅವಕಾಶ ಹುಡುಕಿಕೊಂಡು ಬಂದರೂ ಕೂಡ ಆ ಅವಕಾಶವನ್ನು ಕಾಜಲ್ ಕಳೆದುಕೊಂಡಿದ್ದಾರೆ.
ಅದಕ್ಕೆ ಕಾರಣ ನಟಿ ಕಾಜಲ್ ಅಗರ್ ವಾಲ್ ಅವರು ನಿರ್ದೇಶಕರ ಮುಂದೆ ಇಟ್ಟ ಬೇಡಿಕೆಗಳು. ಹೌದು ಕಾಜಲ್ ಅವರು ಈ ಸಿನಿಮಾದಲ್ಲಿ ನಟಿಸಲು 7 ಡಿಜಿಟ್ ಸಂಭಾವನೆಗೆ ಬೇಡಿಕೆ ಇಟ್ಟಿದ್ದರು. ಇದು ನಾಯಕ ನಟನ ಸಂಭಾವನೆಗಿಂತಲೂ ಹೆಚ್ಚಾಗಿತ್ತು.
ಅಷ್ಟೇ ಅಲ್ಲದೇ 25 ದಿನಗಳ ಕಾಲ್ ಶೀಟ್ ಮಾತ್ರ ನಾನು ಕೊಡುವುದಾಗಿ ಅವರು ಹೇಳಿದ್ದರು. ತನ್ನ ವೈಯಕ್ತಿಕ ಕೇಶವಿನ್ಯಾಸಗಾರರು ಮತ್ತು ವಸ್ತ್ರವಿನ್ಯಾಸಕರಿಗೆ ನಿರ್ಮಾಪಕರೇ ಹಣ ಪಾವತಿಸಬೇಕು ಎಂದು ಬೇಡಿಕೆಗಳನ್ನು ಇಟ್ಟಿದ್ದು, ಇದನ್ನು ಕೇಳಿ ಕಂಗಾಲಾದ ನಿರ್ದೇಶಕರು ಕೊನೆಗೆ ಅವರನ್ನು ಚಿತ್ರದಿಂದ ಕೈ ಬಿಟ್ಟು ಬೇರೆ ನಟಿಗೆ ಆಫರ್ ಮಾಡಿದ್ದಾರಂತೆ. ಹೀಗಾಗಿ ರವಿತೇಜಾ ಜೊತೆಗೆ ಅಭಿನಯಿಸುವ ಅವಕಾಶವನ್ನು ಕಾಜಲ್ ಮಿಸ್ ಮಾಡಿಕೊಳ್ಳಬೇಕಾಯಿತು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
