'ಸಚಿನ್ ದ್ವಿಶತಕ'ಕ್ಕೆ ಟೈಮ್ ಮ್ಯಾಗಜೀನ್ ಟಾಪ್ ಟೆನ್ ಸ್ಥಾನ
ಭಾನುವಾರ, 12 ಡಿಸೆಂಬರ್ 2010 (17:13 IST)
ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರು ದಕ್ಷಿಣ ಆಫ್ರಿಕಾ ತಂಡದ ವಿರುದ್ಧ ಸಿಡಿಸಿದ ದ್ವಿಶತಕ ಟೈಮ್ ಮ್ಯಾಗಜೀನ್ ಪ್ರಕಟಿಸಿರುವ ಹತ್ತು ಅತ್ಯುತ್ತಮ ಆಟದ ಕ್ಷಣಗಳು ವಿಭಾಗದಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿದೆ.
ಗ್ವಾಲಿಯರ್‌ನಲ್ಲಿ ನಡೆದ ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ಸಚಿನ್ ತೆಂಡೂಲ್ಕರ್ 199 ರನ್ ಮಾಡಿದಾಗ ತವರು ನೆಲದ ಪ್ರೇಕ್ಷಕರು ಭಾರತೀಯ ಧ್ವಜ ಹಿಡಿದು ಅಭೂತಪೂರ್ವ ಬೆಂಬಲ ವ್ಯಕ್ತಪಡಿಸಿದ್ದರು. ತೆಂಡೂಲ್ಕರ್ ದ್ವಿಶತಕ ಸಿಡಿಸುತ್ತಿದ್ದಂತೆ ಮೈದಾನದಲ್ಲಿದ್ದಂತಹ ದಕ್ಷಿಣ ಆಫ್ರಿಕಾದ ಆಟಗಾರರು ಚಪ್ಪಾಳೆ ತಟ್ಟಿ ತೆಂಡೂಲ್ಕರ್ ಅವರಿಗೆ ಗೌರವ ಸಲ್ಲಿಸಿದ್ದರು.
ಸುಮಾರು 1.5 ಬಿಲಿಯನ್ ಕ್ರಿಕೆಟ್ ಪ್ರೇಕ್ಷಕರು ಈ ರೋಚಕ ಕ್ಷಣಕ್ಕೆ ಸಾಕ್ಷಿಯಾಗಿದ್ದರು. ಈ ಹಿನ್ನೆಲೆಯಲ್ಲಿ ಈ ಐತಿಹಾಸಿಕ ಸಾಧನೆ ಟೈಮ್ ಮ್ಯಾಗಜೀನ್‌ನ ಟಾಪ್ ಟೆನ್ ಅತ್ಯುತ್ತಮ ಕ್ಷಣಗಳು ಪಟ್ಟಿಗೆ ಸೇರ್ಪಡೆಗೊಂಡಿದೆ.
