ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಐದನೇ ಆವೃತ್ತಿಗಾಗಿ ನಡೆದ ಹರಾಜು ಪ್ರಕ್ರಿಯೆಯಲ್ಲಿ ನಿರೀಕ್ಷೆಯಂತೆಯೇ ಭಾರತದ ಹಿರಿಯ ಟೆಸ್ಟ್ ಸ್ಪೆಷಲಿಸ್ಟ್ ಬ್ಯಾಟ್ಸ್ಮನ್ ವಿವಿಎಸ್ ಲಕ್ಷ್ಮಣ್ ಬಿಕರಿಯಾಗದೇ ಉಳಿದಿದ್ದಾರೆ.
ಲಕ್ಷ್ಮಣ್ ಸಹಿತ ಅನೇಕ ವಿದೇಶಿ ಆಟಗಾರರಿಗೆ ಯಾವುದೇ ಖರೀದಿದಾರರು ಲಭಿಸಿಲ್ಲ. ಭಾರತದ ವೇಗಿ ವಿಆರ್ವಿ ಸಿಂಗ್ ಸಹ ಯಾವುದೇ ಫ್ರಾಂಚೈಸಿ ಗಮನ ಸೆಳೆಯುವಲ್ಲಿ ವಿಫಲವಾಗಿದ್ದಾರೆ.
ಪೂರ್ಣ ಅವಧಿಯ ಟೂರ್ನಿಗೆ ಇಂಗ್ಲೆಂಡ್ ಆಟಗಾರರ ಲಭ್ಯತೆಯ ಬಗ್ಗೆ ಶಂಕೆಗಳು ಎದ್ದಿದ್ದರಿಂದ ಆಂಗ್ಲ ಆಟಗಾರರನ್ನು ಖರೀದಿಸಲು ಫ್ರಾಂಚೈಸಿಗಳು ಮನಸ್ಸು ಮಾಡಿಲ್ಲ. ಒಟ್ಟಾರೆಯಾಗಿ ಅನ್ಸೋಲ್ಡ್ ಆಟಗಾರರ ಪಟ್ಟಿ ದೊಡ್ಡ ಗಾತ್ರಕ್ಕೆ ಬೆಳೆಯುತ್ತಲೇ ಸಾಗಿವೆ.