ಸೌಥ್ ಕ್ಲಬ್‌ನಲ್ಲಿ ನಡೆದ ವಿಶ್ವರೂಪ ಟ್ಯೂಬ್ಸ್ ನ್ಯಾಷನಲ್ ಗ್ರಾಸ್‌ಕೋರ್ಟ್ ಟೆನಿಸ್ ಚಾಂಪಿಯನ್‌ಶಿಪ್ ಪಂದ್ಯಾವಳಿಯಲ್ಲಿ ದೆಹಲಿಯ ಅಶುತೋಷ್ ಸಿಂಗ್ ಮತ್ತು ಗುಜರಾತ್‌ನ ವೈಲ್ಡ್ ಕಾರ್ಡ್ ಹೋಲ್ಡರ್ ಅಂಕಿತ ರೈನಾ ಚಾಂಪಿಯನ್‌ಗಳಾಗಿ ಹೊರಹೊಮ್ಮಿದ್ದಾರೆ.
ದೆಹಲಿಯ ಅಶುತೋಷ್ ಸಿಂಗ್ ಫೈನಲ್ ಪಂದ್ಯದಲ್ಲಿ ತಮ್ಮ ಎದುರಾಳಿ ಆಂಧ್ರಪ್ರದೇಶದ ವಿಗ್ನೇಶ್ ಅವರನ್ನು 0-6, 7-6 (7- 3), 6-2 ಸೆಟ್‌ಗಳಿಂದ ಸೋಲಿಸಿ ಪುರುಷರ ವಿಭಾಗದ ಸಿಂಗಲ್ಸ್ ಪ್ರಶಸ್ತಿ ಪಡೆದರು.
ಮಹಿಳಾ ವಿಭಾಗದಲ್ಲಿ ಗುಜರಾತ್ ಮೂಲದ ಅಂಕಿತ ರೈನಾ,ತಮ್ಮ ಎದುರಾಳಿ ನಾಲ್ಕನೇ ಶ್ರೇಯಾಂಕದ ಕರ್ನಾಟಕದ ಶೀತಲ್ ಗೌತಮ್ ಅವರನ್ನು 7-6 (7-2), 6-2 ಸೆಟ್‌ಗಳಿಂದ ಸೋಲಿಸಿ ಸಿಂಗಲ್ಸ್ ಪ್ರಶಸ್ತಿಗೆ ಭಾಜನರಾದರು.
ತಮಿಳುನಾಡಿನ ವಿಜಯ್ ಸುಂದರ್ ಪ್ರಶಾಂತ್ ಮತ್ತು ಮಿಥುನ್ ಮುರಳಿ, ದೆಹಲಿಯ ಡಿವಿಜ್ ಶರಣ್ ಮತ್ತು ವಿವೇಕ್ ಶೋಕಿನ್ ಅವರನ್ನು 6-4, 6-7 (4-7), 11-9 ಸೆಟ್‌ಗಳಿಂದ ಸೋಲಿಸಿ ಡಬಲ್ಸ್‌ನಲ್ಲಿ ಪ್ರಶಸ್ತಿ ಪಡೆದರು.
ಸ್ಥಳೀಯ ಮಹಿಳಾ ಸ್ಪರ್ಧಾಳುಗಳಾದ ಶಿವಿಕಾ ಬರ್ಮನ್ ಮತ್ತು ತ್ರೇತಾ ಭಟ್ಟಾಚಾರ್ಯ, ತಮ್ಮ ಎದುರಾಳಿಗಳಾದ ದೆಹಲಿಯ ಶೀತಲ್ ಮತ್ತು ಶ್ವೇತಾ ಸೋಳಂಕಿಯವರನ್ನು 7-6 (7-2), 1-6, 10-7 ಸೆಟ್‌ಗಳಿಂದ ಸೋಲಿಸಿ ಡಬಲ್ಸ್ ಪ್ರಶಸ್ತಿ ಪಡೆದರು.
