ಬೆಂಗಳೂರು: ಇಂದು ಹೋಳಿ ಹಬ್ಬ. ಆದರೆ ಇದೇ ದಿನ ಕೇತುಗ್ರಸ್ತ ಚಂದ್ರಗ್ರಹಣವಾಗುತ್ತಿದೆ. ಹೀಗಾಗಿ ಇಂದು ಹೋಳಿ ಬಣ್ಣದೋಕುಳಿ ಆಡಬಹುದೇ ಎಂಬ ಅನುಮಾನ ಅನೇಕರಲ್ಲಿದೆ.
ಗ್ರಹಣ ಮತ್ತು ಹೋಳಿ ಹಬ್ಬ ಒಂದೇ ದಿನ ಬಂದಿರುವುದರಿಂದ ಅನೇಕರಿಗೆ ಹಬ್ಬ ಆಚರಿಸಬಹುದೇ ಎಂದು ಗೊಂದಲಗಳಿವೆ. ಜ್ಯೋತಿಷ್ಯದ ಪ್ರಕಾರ ಇಂದು ಬೆಳಿಗ್ಗೆಯಿಂದಲೇ ಸೂತಕದ ಕಾಲ ಶುರುವಾಗುತ್ತದೆ. ಗ್ರಹಣ ನಿಮಿತ್ತ ಈ ಸೂತಕದ ಕಾಲದಲ್ಲಿ ಯಾವುದೇ ಸಂಭ್ರಮಾಚರಣೆ, ಶುಭ ಕಾರ್ಯಗಳನ್ನು ಮಾಡುವಂತಿಲ್ಲ.
ಇಂದು ಸಂಜೆ 6.26 ರಿಂದ 6.46 ರವರೆಗೆ ಚಂದ್ರಗ್ರಹಣ ಗೋಚರವಾಗಲಿದೆ. ಹೀಗಾಗಿ ಈ ಸಮಯದಲ್ಲಿ ಯಾವುದೇ ಹಬ್ಬದ ಆಚರಣೆ, ಬಣ್ಣದ ಓಕುಳಿ ಆಡುವುದು ಸರಿಯಲ್ಲ ಎನ್ನುವುದು ಜ್ಯೋತಿಷ್ಯ ಶಾಸ್ತ್ರದ ನಂಬಿಕೆ. ಹಾಗಿದ್ದರೆ ಬಣ್ಣದ ನೀರಿನ ಆಟ ಯಾವಾಗ ಎಂಬುದಕ್ಕೆ ಇಲ್ಲಿದೆ ಉತ್ತರ.
ಇಂದಿನ ಬದಲು ನಾಳೆಯ ದಿನವನ್ನು ಬಣ್ಣದೋಕುಳಿ ಆಡಲು ನಿಗದಿಪಡಿಸಬಹುದು. ಹೋಳಿಕಾ ದಹನ ಸೇರಿದಂತೆ ಹೋಳಿ ಹಬ್ಬದ ದಿನ ಆಚರಿಸುವ ಎಲ್ಲಾ ಸಂಭ್ರಮಾಚರಣೆಗಳನ್ನು ನಾಳೆಗೆ ಇಟ್ಟುಕೊಳ್ಳಬಹುದು.
