ಬೆಂಗಳೂರು: ದೀಪಾವಳಿ ಹಬ್ಬಕ್ಕೆ ಇನ್ನೇನು ಕೆಲವೇ ದಿನ ಬಾಕಿಯಿದ್ದು, ಈ ವರ್ಷದ ದೀಪಾವಳಿ ಹಬ್ಬ ಯಾವಾಗ ಯಾವ ದಿನ ಆಚರಿಸಬೇಕು, ಮುಹೂರ್ತ ಯಾವಾಗ ಎಂಬ ವಿವರ ಇಲ್ಲಿದೆ ನೋಡಿ.
ಮೊದಲ ದಿನ ಅಂದರೆ ಬುಧವಾರದಂದು ನೀರು ತುಂಬಿಸುವುದು. ಇದು ಹಿರಿಯರ ಹಬ್ಬ. ದೀಪಾವಳಿ ಹಬ್ಬಕ್ಕೆ ಎಣ್ಣೆ ಸ್ನಾನ ಮಾಡಲು ಹಿಂದಿನ ದಿನವೇ ನೀರು ತುಂಬುವ ಶಾಸ್ತ್ರ ಮಾಡಲಾಗುತ್ತದೆ. ಅಕ್ಟೋಬರ್ 31 ರಂದು ಅಂದರೆ ಗುರುವಾರ ನರಕ ಚತುರ್ದಶಿಯಾಗಿದ್ದು, ಆ ದಿನ ಎಣ್ಣೆ ಹಚ್ಚಿ ಸ್ನಾನ ಮಾಡಬೇಕು. ಇದಕ್ಕೆ ಬೆಳಿಗ್ಗೆ 5.15 ಕ್ಕೆ ಮುಹೂರ್ತವಿದೆ.
ಆ ದಿನ ಸಂಜೆ ದೀಪಾವಳಿ, ಲಕ್ಷ್ಮೀ ಪೂಜೆ. ಕೆಲವೆಡೆ ಕರಾವಳಿ ಭಾಗಗಳಲ್ಲಿ ಬಲೀಂದ್ರ ಪೂಜೆ ಮಾಡುವ ಸಂಪ್ರದಾಯವಿದೆ. ಮರುದಿನ ಅಂದರೆ ನವಂಬರ್ 1 ರಂದು ಅಮವಾಸ್ಯೆಯಾಗಿದ್ದು ಸಂಜೆ ಸುಮಾರು 6 ಗಂಟೆಯವರೆಗೆ ಮಾತ್ರ ಹಬ್ಬ ಆಚರಣೆ ಮಾಡಬಹುದು. ಶನಿವಾರ ಬಲಿಪಾಡ್ಯವಾಗಿದ್ದು ಅಂದು ಗೋವುಗಳಿಗೆ ಪೂಜೆ ಮಾಡಲಾಗುತ್ತ.ದೆ. ಇದರೊಂದಿಗೆ ದೀಪಾವಳಿ ಹಬ್ಬ ಮುಕ್ತಾಯವಾಗುತ್ತದೆ.
