ಮುಂಬೈ: ಇತ್ತೀಚೆಗಷ್ಟೇ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದ ಬಾಲಿವುಡ್ ನಟಿ ಸೊನಾಕ್ಷಿ ಸಿನ್ಹಾ ಇದೀಗ ಮದುವೆ ಮರುದಿನವೇ ಪತಿ ಝಹೀರ್ ಇಕ್ಬಾಲ್ ಜೊತೆ ಚೆಕಪ್ ಗಾಗಿ ಆಸ್ಪತ್ರೆಗೆ ಧಾವಿಸಿದ್ದಾರೆ.
ಮುಂಬೈನ ಲೀಲಾವತಿ ಆಸ್ಪತ್ರೆಯಲ್ಲಿ ನೂತನ ದಂಪತಿ ಕಾಣಿಸಿಕೊಂಡಿರುವುದು ಸಾಕಷ್ಟು ಊಹಾಪೋಹಗಳಿಗೆ ಕಾರಣವಾಗಿದೆ. ಸೊನಾಕ್ಷಿ ಗರ್ಭಿಣಿ ಇರಬಹುದೇ ಎಂಬ ಅನುಮಾನ ಮೂಡಿಸಿದೆ. ಇದೇ ಕಾರಣಕ್ಕೆ ತಾರಾ ಜೋಡಿ ತರಾತುರಿಯಲ್ಲಿ ಮದುವೆಯಾಗಿರಬಹುದೇ ಎಂಬ ಗುಸು ಗುಸು ಕೇಳಿಬರುತ್ತಿದೆ.
ಆದರೆ ಮಾಧ್ಯಮಗಳ ಕ್ಯಾಮರಾ ಕಣ್ಣುಗಳಿಂದ ದಂಪತಿ ಮರೆಮಾಚಲು ಯತ್ನಿಸಿದ್ದಾರೆ. ಬಾಲಿವುಡ್ ನಲ್ಲಿ ಅನೇಕ ತಾರೆಯರು ಮದುವೆಗಿಂತ ಮೊದಲೇ ಗರ್ಭಿಣಿಯಾದ ಉದಾಹರಣೆಯಿದೆ. ರಣಬೀರ್ ಕಪೂರ್-ಅಲಿಯಾ ಭಟ್ ಸೇರಿದಂತೆ ಕೆಲವು ತಾರಾ ದಂಪತಿಗಳು ಮದುವೆಗಿಂತ ಮೊದಲೇ ಮಗುವಿನ ನಿರೀಕ್ಷೆಯಲ್ಲಿದ್ದರು.
ಇದೀಗ ಸೊನಾಕ್ಷಿ ಕೂಡಾ ಗರ್ಭಿಣಿಯಿರಬಹುದು. ಅದೇ ಕಾರಣಕ್ಕೆ ತರಾತುರಿಯಲ್ಲಿ ಮದುವೆಯಾದರು ಎಂದು ಹೇಳಲಾಗುತ್ತಿದೆ. ಸೊನಾಕ್ಷಿ ಅನ್ಯ ಧರ್ಮೀಯ ವ್ಯಕ್ತಿಯನ್ನು ಮದುವೆಯಾಗುತ್ತಿರುವ ಕಾರಣಕ್ಕೆ ಸಾಕಷ್ಟು ಟೀಕೆಗೊಳಗಾಗಿದ್ದರು. ಕುಟುಂಬದವರಿಂದಲೇ ಅವರ ಮದುವೆಗೆ ವಿರೋಧವಿತ್ತು.
