ಮೂಲಗಳ ಪ್ರಕಾರ ಸೈಫ್ ಗೆ ಒಟ್ಟು ಆರು ಬಾರಿ ಕಳ್ಳರು ಚಾಕುವಿನಿಂದ ಇರಿದಿದ್ದಾರೆ. ಅವರ ಕುತ್ತಿಗೆ ಬಳಿ, ಕೈ, ಗಲ್ಲ ಸೇರಿದಂತೆ ಸಿಕ್ಕ ಸಿಕ್ಕಲ್ಲೆಲ್ಲಾ ಗಾಯಗಳಾಗಿವೆ. ಇದೀಗ ಅವರನ್ನು ಮುಂಬೈನ ಲೀಲಾವತಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.
ಘಟನೆ ಹೇಗಾಯ್ತು?
ಕಳ್ಳರು ಮನೆಗೆ ನುಗ್ಗಿ ಮನೆ ಕೆಲಸದವರ ಜೊತೆ ದಾಳಿಗಿಳಿದಿದ್ದರು. ಈ ವೇಳೆ ಎಚ್ಚರಗೊಂಡ ಸೈಫ್ ಮನೆಕೆಲಸವರನ್ನು ರಕ್ಷಿಸಲು ತಾವೇ ಮಧ್ಯಪ್ರವೇಶಿಸಿದರು ಎಂದು ಹೇಳಲಾಗುತ್ತಿದೆ. ಈ ವೇಳೆ ಕಳ್ಳ ನೇರವಾಗಿ ಸೈಫ್ ಮೇಲೆಯೇ ದಾಳಿ ನಡೆಸಿದ್ದಾನೆ. ಕಳ್ಳ ಏಕಾಂಗಿಯಾಗಿ ಬಂದಿದ್ದನೇ ಅಥವಾ ಜೊತೆಗೆ ಬೇರೆ ಯಾರಾದರೂ ಇದ್ದರೇ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಇದೀಗ ಸೈಫ್ ಚೇತರಿಸಿಕೊಂಡ ಬಳಿಕ ಪೊಲೀಸರು ಅವರಿಂದ ವಿವರ ಪಡೆಯಲಿದ್ದಾರೆ.
