ಡಿಸೆಂಬರ್ 2019 ಕ್ಕೆ ತೆರೆಯ ಮೇಲೆ ಅಪ್ಪಳಿಸಲಿದೆ ಸಲ್ಮಾನ್ ಖಾನ್ ಅವರ ಕಿಕ್ 2

ಬುಧವಾರ, 7 ಫೆಬ್ರವರಿ 2018 (17:22 IST)
ಸಲ್ಮಾನ್ ಖಾನ್ ಅಭಿಮಾನಿಗಳಿಗೆ ಇಲ್ಲಿದೆ ಒಂದು ಸಂತೋಷದ ಸುದ್ದಿ. ಸಾಜೀದ್ ನದಿದ್ವಾಲಾ ಅವರ 2014 ರ ಹಿಟ್ ಚಿತ್ರ ಕಿಕ್‌ನ ಮತ್ತೊಂದು ಭಾಗವನ್ನು 2019 ಕ್ಕೆ ಬಿಡುಗಡೆ ಮಾಡಲಿದ್ದಾರೆ. ಇದರ ಕುರಿತು ಸಾಜೀದ್ ನದಿದ್ವಾಲಾ ಅವರು ತಮ್ಮ ಅಧಿಕೃತ ಟ್ವಿಟರ್ ಖಾತೆಯಿಂದ ಇಂದು ಬೆಳಗ್ಗೆ ಟ್ವಿಟ್ ಮಾಡುವ ಮೂಲಕ ತಿಳಿಸಿದ್ದಾರೆ.
ಕಿಕ್ ಚಿತ್ರವು 2009 ರ ತೆಲುಗು ಚಿತ್ರ ಕಿಕ್ ಮತ್ತು ತಮಿಳು ಚಿತ್ರ ಥಿಲ್ಲಾಲಂಗಡಿಯ ಅಧಿಕೃತ ರಿಮೇಕ್ ಆಗಿತ್ತು. ಕಿಕ್ ಚಿತ್ರದ ಮೊದಲ ಭಾಗದಲ್ಲಿ ಸಲ್ಮಾನ್ ಖಾನ್, ಜಾಕ್ವೆಲಿನ್ ಫೆರ್ನಾಂಡಿಸ್, ರಂದೀಪ್ ಹೂಡ್ಡಾ ಮತ್ತು ನವಾಝುದ್ದೀನ್ ಸಿದ್ದಿಕಿ ಅವರು ನಟಿಸಿದ್ದರು. ಈ ಚಿತ್ರವು ಸಲ್ಮಾನ್‌ನ ಅತಿ ಹೆಚ್ಚು ಗಳಿಕೆಯ ಚಿತ್ರವಾಗಿ ಹೊರಹೊಮ್ಮಿತು. ಆದರೆ ತಯಾರಕರು ಈವರೆಗೂ ಕಿಕ್‌ 2 ಚಿತ್ರದಲ್ಲಿ ನಟಿಸಿರುವ ನಾಯಕಿಯ ಹೆಸರನ್ನು ಬಹಿರಂಗ ಪಡಿಸಿಲ್ಲ.
 
ಸಲ್ಮಾನ್ ಖಾನ್ ಪ್ರಸ್ತುತವಾಗಿ ರೆಮೋ ಡಿ'ಸೋಜಾ ಅವರ ರೇಸ್ 3 ಚಿತ್ರದಲ್ಲಿ ಬ್ಯುಸಿ ಆಗಿದ್ದಾರೆ. ಜಾಕ್ಲೀನ್ ಫರ್ನಾಂಡಿಸ್, ಬಾಬಿ ಡಿಯೋಲ್, ಸಾಕಿಬ್ ಸಲೀಮ್, ಡೈಸಿ ಷಾ ಮತ್ತು ಅನಿಲ್ ಕಪೂರ್ ಸಹ ರೇಸ್ 3 ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ವೆಬ್ದುನಿಯಾವನ್ನು ಓದಿ

ಸಂಬಂಧಿಸಿದ ಸುದ್ದಿ