ಏಷ್ಯಾ ಕಪ್ ಕ್ರಿಕೆಟ್: ಫೈನಲ್ ನಲ್ಲಿ ಭಾರತ-ಲಂಕಾ ಅಂಕಿ ಅಂಶಗಳು
ಟೀಂ ಇಂಡಿಯಾ ಮತ್ತು ಶ್ರೀಲಂಕಾ ಫೈನಲ್ ನಲ್ಲಿ ಇದುವರೆಗೆ 7 ಬಾರಿ ಮುಖಾಮುಖಿಯಾಗಿದೆ. ಒಟ್ಟು 11 ಬಾರಿ ಏಷ್ಯಾ ಕಪ್ ಫೈನಲ್ ಗೇರಿರುವ ಟೀಂ ಇಂಡಿಯಾ 7 ಬಾರಿ ಪ್ರಶಸ್ತಿ ಗೆದ್ದುಕೊಂಡು ಅಗ್ರಸ್ಥಾನದಲ್ಲಿದೆ. ಶ್ರೀಲಂಕಾ ಗರಿಷ್ಠ ಬಾರಿ ಅಂದರೆ 13 ಬಾರಿ ಫೈನಲ್ ಪ್ರವೇಶಿಸಿದ್ದು 6 ಬಾರಿ ಪ್ರಶಸ್ತಿ ಗೆದ್ದುಕೊಂಡಿದೆ. ಹಾಲಿ ಚಾಂಪಿಯನ್ ಪಟ್ಟವೂ ಲಂಕಾ ಬಳಿಯಿದೆ.
ವಿಶೇಷವೆಂದರೆ ಭಾರತ-ಲಂಕಾ ನಡುವೆ ಫೈನಲ್ ನಡೆದಾಗಲೆಲ್ಲಾ ಭಾರತವೇ ಮೇಲುಗೈ ಸಾಧಿಸಿತ್ತು. ಒಟ್ಟು ಐದು ಬಾರಿ ಲಂಕಾ ವಿರುದ್ಧ ಟೀಂ ಇಂಡಿಯಾ ಫೈನಲ್ ಗೆದ್ದಿದೆ. ಒಂದು ಬಾರಿ ಮಾತ್ರ ಲಂಕಾ ಗೆದ್ದುಕೊಂಡಿತ್ತು. ಈಗ ಮತ್ತೊಮ್ಮೆ ಟೀಂ ಇಂಡಿಯಾ ಇತಿಹಾಸ ಮರುಕಳಿಸುವ ವಿಶ್ವಾಸದಲ್ಲಿದೆ.
