ಏಷ್ಯನ್ ಗೇಮ್ಸ್ ಕ್ರಿಕೆಟ್: ಜೈಸ್ವಾಲ್ ಶತಕ, ಟೀಂ ಇಂಡಿಯಾ ಭರ್ಜರಿ ಮೊತ್ತ
ಭಾರತದ ಪರ ಆರಂಭಿಕ ಯಶಸ್ವಿ ಜೈಸ್ವಾಲ್ ಕೇವಲ 49 ಎಸೆತಗಳಿಂದ 7 ಸಿಕ್ಸರ್ ಸಹಿತ 100 ರನ್ ಗಳಿಸಿದರು. ನಾಯಕ ಋತುರಾಜ್ ಗಾಯಕ್ ವಾಡ್ 25 ರನ್ ಗಳಿಸಿ ಔಟಾದರು. ಈ ನಡುವೆ ತಿಲಕ್ ವರ್ಮ 2, ಜಿತೇಶ್ ಶರ್ಮಾ ಕೇವಲ 5 ರನ್ ಗಳಿಗೆ ಔಟಾಗಿ ನಿರಾಸೆ ಅನುಭವಿಸಿದರು.
ಆದರೆ ಕೊನೆಯಲ್ಲಿ ಸಿಡಿದ ಶಿವಂ ದುಬೆ 19 ಎಸೆತಗಳಿಂದ 25, ಹಾಗೂ ಐಪಿಎಲ್ ಹೀರೋ ರಿಂಕು ಸಿಂಗ್ ಕೇವಲ 15 ಎಸೆತಗಳಿಂದ 4 ಸಿಕ್ಸರ್ ಸಹಿತ ಅಜೇಯ 37 ರನ್ ಸಿಡಿಸಿ ತಂಡದ ಮೊತ್ತವನ್ನು 200 ರ ಗಡಿ ದಾಟಿಸಿದರು. ಇದೀಗ ನೇಪಾಳ ಗೆಲ್ಲಲು 203 ರನ್ ಗಳಿಸಬೇಕಿದೆ.
