2007 ರಲ್ಲಿ ಟೀಂ ಇಂಡಿಯಾಗೆ ನೀಡಿದ ಶಾಕ್ ಈ ಬಾರಿ ದ.ಆಫ್ರಿಕಾಗೆ ಕೊಟ್ಟ ಬಾಂಗ್ಲಾದೇಶ
ನಿನ್ನೆ ನಡೆದ ಪಂದ್ಯದಲ್ಲಿ ಬಾಂಗ್ಲಾ ತಂಡ ದ.ಆಫ್ರಿಕಾವನ್ನು 21 ರನ್ ಗಳಿಂದ ಸೋಲಿಸಿದೆ. ಈ ಮೂಲಕ ದ.ಆಫ್ರಿಕಾಗೆ ಸತತ ಎರಡು ಸೋಲಿನ ಬರೆ ಸಿಕ್ಕಿದೆ. ಮೊದಲು ಬ್ಯಾಟಿಂಗ್ ಮಾಡಿದ ಬಾಂಗ್ಲಾ ನಿಗದಿತ 50 ಓವರ್ ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 330 ರನ್ ಗಳಿಸಿತು. ಇದಕ್ಕೆ ಉತ್ತರವಾಗಿ ಬ್ಯಾಟಿಂಗ್ ಮಾಡಿದ ಆಫ್ರಿಕಾ, ಬಾಂಗ್ಲಾ ಬೌಲರ್ ಗಳ ಸಂಘಟಿತ ದಾಳಿಗೆ ತತ್ತರಿಸಿ 50 ಓವರ್ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 309 ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದರೊಂದಿಗೆ ಬಾಂಗ್ಲಾ ಮತ್ತೆ ದೈತ್ಯ ಸಂಹಾರಿ ಎನಿಸಿಕೊಂಡಿತು. ಆಫ್ರಿಕಾಗೆ ಮುಂದಿನ ಪಂದ್ಯ ಜೂನ್ 6 ರಂದು ಟೀಂ ಇಂಡಿಯಾ ವಿರುದ್ಧ ನಡೆಯಲಿದೆ.
