ಅತೀ ವೇಗದ ವಾಹನ ಚಾಲನೆಗಾಗಿ ಈಗಾಗಲೇ ನಾಲ್ಕು ಬಾರಿ ಸ್ಟೋಕ್ಸ್ ಸಿಕ್ಕಿಬಿದ್ದಿದ್ದು, ಗಂಟೆಗೆ 50 ಕಿಮೀ ವಲಯದಲ್ಲಿ 75 ಕಿಮೀ ವೇಗದಲ್ಲಿ ವಾಹನ ಚಾಲನೆ ಮಾಡಿದ್ದನ್ನು ಒಪ್ಪಿಕೊಂಡ ಸ್ಟೋಕ್ಸ್ ಅವರಿಗೆ ಡಿಸೆಂಬರ್ ಮಧ್ಯಾವಧಿವರೆಗೆ ನಿಷೇಧ ವಿಧಿಸಲಾಗಿದೆ.
ಸ್ಟೋಕ್ಸ್ ಮಂಗಳವಾರ ಕೋರ್ಟ್‌ನಲ್ಲಿ ತಮ್ಮ ತಪ್ಪನ್ನು ಒಪ್ಪಿಕೊಂಡಿದ್ದರು. ಸ್ಟೋಕ್ಸ್ ಪ್ರಸಕ್ತ ಮೊದಲ ಟೆಸ್ಟ್‌ನಲ್ಲಿ ಅನುಭವಿಸಿದ ಮಂಡಿ ನೋವಿನಿಂದ ಇನ್ನೂ ಚೇತರಿಸಿಕೊಳ್ಳುತ್ತಿದ್ದಾರೆ. 2016ರ ವಿಶ್ವ ಟಿ 20 ಫೈನಲ್‌ನಲ್ಲಿ 25 ವರ್ಷದ ಸ್ಟೋಕ್ಸ್ ಬೌಲಿಂಗ್‌ನಲ್ಲಿ ವೆಸ್ಟ್ ಇಂಡೀಸ್ ಆಟಗಾರ ಬ್ರಾತ್‌ವೈಟ್ ಸತತ ನಾಲ್ಕು ಸಿಕ್ಸರುಗಳನ್ನು ಬಾರಿಸಿದ್ದರು. ಆಗಸ್ಟ್ 26ರಂದು ಆಶಸ್ ಅಂತಿಮ ಟೆಸ್ಟ್ ಪಂದ್ಯದಲ್ಲಿ 3ವಿಕೆಟ್ ಕಬಳಿಸಿದ ಎರಡು ದಿನಗಳ ಬಳಿಕ, ಸ್ಟೋಕ್ಸ್ ಎ1 ನಾರ್ತ್‌ಬೌಂಡ್ ರಸ್ತೆಯಲ್ಲಿ ಗಂಟೆಗೆ 61 ಕಿಮೀ ವಾಹನ ಚಾಲನೆ ಮಾಡಿದ್ದನ್ನು ಒಪ್ಪಿಕೊಂಡಿದ್ದರು.
