ಭಾರತದ ಕ್ರಿಕೆಟ್ ಕಾಶಿ ಈಡನ್ ಗಾರ್ಡನ್ಸ್ ಅನೇಕ ಸಂಭ್ರಮಗಳಿಗೆ, ಕಹಿ ನೆನಪುಗಳಿಗೆ ಸಾಕ್ಷಿಯಾದ ಮೈದಾನ. 500ನೇ ಟೆಸ್ಟ್ ಪಂದ್ಯವನ್ನು ಗೆದ್ದು ಬೀಗುತ್ತಿರುವ ಕೊಹ್ಲಿ ಪಡೆ ಇಂದು ಈಡನ್ ಮೈದಾನದಲ್ಲಿ ಐತಿಹಾಸಿಕ 250ನೇ ತವರು ಟೆಸ್ಟ್ ಗೆಲ್ಲುವ ಉತ್ಸಾಹದೊಂದಿಗೆ ಕಣಕ್ಕಿಳಿಯಲಿದೆ.
ಈ ದಿನವನ್ನು ಸ್ಮರಣೀಯವಾಗಿಸಲು ಬಂಗಾಲ ಕ್ರಿಕೆಟ್ ಸಂಸ್ಥೆ ನಿರ್ಧರಿಸಿದೆ.ಪಂದ್ಯ ಆರಂಭವಾಗುವುದಕ್ಕೂ ಮೊದಲು ಎರಡು ತಂಡಗಳಿಗೆ ಸನ್ಮಾನ ಮಾಡಲು ಬಿಸಿಸಿಐ ಮತ್ತು ಬಂಗಾಳ್ ಕ್ರಿಕೆಟ್ ಸಂಸ್ಥೆ ಎಲ್ಲ ರೀತಿಯ ತಯಾರಿ ನಡೆಸಿದೆ. ಇಂಗ್ಲೆಂಡ್‌ನ ಲಾರ್ಡ್ಸ್‌ನಲ್ಲಿ ಘಂಟೆ ಬಾರಿಸಿ ಟೆಸ್ಟ್ ಪಂದ್ಯಕ್ಕೆ ಚಾಲನೆ ನೀಡುವಂತೆ ಈಡನ್‌ನಲ್ಲೂ ಘಂಟಾನಾದದೊಂದಿಗೆ 2ನೇ ಟೆಸ್ಟ್‌ಗೆ ಚಾಲನೆ ನೀಡಲಾಗುವುದು.
