ಬೇಡದ ದಾಖಲೆಯ ಅಪಾಯದಲ್ಲಿ ಕೆಎಲ್ ರಾಹುಲ್

ಮುಂಬೈ: ವೆಸ್ಟ್ ಇಂಡೀಸ್ ವಿರುದ್ಧ ಮೊದಲ ಟೆಸ್ಟ್ ಪಂದ್ಯದಲ್ಲಿ ಶೂನ್ಯಕ್ಕೆ ಔಟಾಗಿ ಟೀಕೆಗೊಳಗಾಗಿದ್ದ ಕನ್ನಡಿಗ ಬ್ಯಾಟ್ಸ್ ಮನ್ ಕೆಎಲ್ ರಾಹುಲ್ ಮತ್ತೆ ಅದೇ ತಪ್ಪು ಮಾಡಿದರೆ ಬೇಡದ ದಾಖಲೆಯೊಂದನ್ನು ಮೈಮೇಲೆಳೆದುಕೊಳ್ಳಲಿದ್ದಾರೆ.

ಈ ವರ್ಷ ಅತೀ ಹೆಚ್ಚು ಬಾರಿ ಶೂನ್ಯಕ್ಕೆ ಔಟಾದ ಕುಖ್ಯಾತಿ ಬಾಂಗ್ಲಾ ಬ್ಯಾಟ್ಸ್ ಮನ್ ಮೊಮಿನುಲ್ ಹಕ್ ಹೆಸರಿನಲ್ಲಿದೆ. ಈಗ ಸದ್ಯಕ್ಕೆ ರಾಹುಲ್ ಟಾಪ್ 3 ರೊಳಗೆ ಸ್ಥಾನ ಪಡೆದಿದ್ದಾರೆ.

ಒಂದು ವೇಳೆ ಇನ್ನೊಮ್ಮೆ  ಅವರು ಶೂನ್ಯ ಸಂಪಾದಿಸಿದಲ್ಲಿ ಅತೀ ಹೆಚ್ಚು ಶೂನ್ಯ ಸಂಪಾದಿಸಿದ ಕುಖ್ಯಾತಿಗೆ ಒಳಗಾಗಲಿದ್ದಾರೆ. ಈ ವರ್ಷ ರಾಹುಲ್ ಒಟ್ಟು ಎರಡು ಬಾರಿ ಶೂನ್ಯ ಗಳಿಸಿದ್ದು, 6 ಬಾರಿ 10 ಕ್ಕಿಂತ ಕಡಿಮೆ ರನ್ ಸ್ಕೋರ್ ಮಾಡಿದ್ದಾರೆ. ಈಗಾಗಲೇ ಕಳಪೆ ಫಾರ್ಮ್ ನಿಂದಾಗಿ ಟೀಕೆಗೆ ಗುರಿಯಾಗಿರುವ ರಾಹುಲ್ ಗೆ ಈ ಅಪವಾದ ತೊಡೆಯಬೇಕಾದ ಅನಿವಾರ್ಯತೆ ಎದುರಾಗಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.