ಅಭಿನವ್ ಮುಕುಂದ್ ರ ವರ್ಣಬೇಧ ಆರೋಪಕ್ಕೆ ನಾಯಕ ಕೊಹ್ಲಿ ಪ್ರತಿಕ್ರಿಯೆ ಏನು ಗೊತ್ತಾ?

ಕೊಲೊಂಬೊ: ಕಪ್ಪು ವರ್ಣದವನೆಂದು ತಮಾಷೆ ಮಾಡಬೇಡಿ. ವರ್ಣದ ಆಧಾರದಲ್ಲಿ ಅಳೆಯಬೇಡಿ ಎಂದು ಟ್ವಿಟರ್ ಮೂಲಕ ಟೀಕಾಕಾರರ ಬಾಯಿ ಮುಚ್ಚಿಸಿದ್ದ ಟೀಂ ಇಂಡಿಯಾ ಕ್ರಿಕೆಟಿಗ ಅಭಿನವ್ ಮುಕುಂದ್ ಗೆ ನಾಯಕ ಕೊಹ್ಲಿ ಬೆಂಬಲ ವ್ಯಕ್ತಪಡಿಸಿದ್ದಾರೆ.

ಅಭಿನವ್ ಟ್ವಿಟರ್ ಪೋಸ್ಟ್ ಗೆ ಪ್ರತಿಕ್ರಿಯಿಸಿರುವ ಕೊಹ್ಲಿ ‘ಸರಿಯಾಗಿ ಹೇಳಿದೆ ಅಭಿನವ್’ ಎಂದು ಸಹ ಆಟಗಾರನನ್ನು ಸಮರ್ಥಿಸಿಕೊಂಡಿದ್ದಾರೆ. ಕೊಹ್ಲಿ ಮಾತ್ರವಲ್ಲದೆ ರವಿಚಂದ್ರನ್ ಅಶ್ವಿನ್, ಬ್ಯಾಡ್ಮಿಂಡನ್ ತಾರೆ ಜ್ವಾಲಾ ಗುಟ್ಟ ಕೂಡಾ ಮುಕುಂದ್ ಗೆ ಬೆಂಬಲ ಸೂಚಿಸಿದ್ದಾರೆ.

ಅಭಿನವ್ ಹೇಳಿರುವುದು ಆತನ  ಅನುಭವದ ಮಾತು. ಅದನ್ನು ಹೆಡ್ ಲೈನ್ ಮಾಡಿಕೊಂಡು ವಿವಾದ ಮಾಡಬೇಡಿ ಎಂದು ಅಶ್ವಿನ್ ಮಾಧ್ಯಮಗಳಿಗೆ ಮನವಿ ಮಾಡಿದ್ದಾರೆ. ಇನ್ನೊಂದೆಡೆ ಬ್ಯಾಡ್ಮಿಂಟನ್ ತಾರೆ ಜ್ವಾಲಾ ಗುಟ್ಟಾ ‘ಕರೆಕ್ಟ್ ಆಗಿ ಹೇಳಿದ್ರಿ’ ಎಂದು ಮುಕುಂದ್ ಬೆನ್ನಿಗೆ ನಿಂತಿದ್ದಾರೆ.

ಇದನ್ನೂ ಓದಿ… ಬೆಂಗಳೂರಿನಲ್ಲಿ ಧೋನಿ ಪ್ರತ್ಯಕ್ಷ

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ