ನೆಹ್ರಾ, ಮುಸ್ತಫಿಜುರ್ ಮಾರಕ ಬೌಲಿಂಗ್ ದಾಳಿ: ಕೇವಲ 92 ರನ್‌‌ಗೆ ಮುಂಬೈ ಆಲೌಟ್

ಆಶಿಶ್ ನೆಹ್ರಾ ಮತ್ತು ಮುಸ್ತಫಿಜುರ್ ರೆಹ್ಮಾನ್ ಅವರ ಮಾರಕ ಬೌಲಿಂಗ್ ದಾಳಿಗೆ ತತ್ತರಿಸಿದ ಮುಂಬೈ ಇಂಡಿಯನ್ಸ್ ಕೇವಲ 92 ರನ್‌ಗಳಿಗೆ ಎಲ್ಲಾ ವಿಕೆಟ್ ಕಳೆದುಕೊಂಡು ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧ ಸೋಲಪ್ಪಿದೆ. ಸನ್ ರೈಸರ್ಸ್ ಪರ ಶಿಖರ್ ಧವನ್ ಅವರ 82 ರನ್ ಮತ್ತು ಡೇವಿಡ್ ವಾರ್ನರ್ ಅವರ 48 ರನ್ ನೆರವಿನಿಂದ 3 ವಿಕೆಟ್ ಕಳೆದುಕೊಂಡು 177 ರನ್ ಗಳಿಸಿತ್ತು.

ಯುವರಾಜ್ ಸಿಂಗ್ ಬಿರುಸಿನ 23 ಎಸೆತಗಳಲ್ಲಿ 39 ರನ್ ಗಳಿಸಿದರು. ಹರ್ಭಜನ್ ಸಿಂಗ್ ಮುಂಬೈ ಇಂಡಿಯನ್ಸ್ ಪರ 2 ವಿಕೆಟ್ ಕಬಳಿಸಿದರು. ಶಿಖರ್ ಧವನ್ ಸ್ಕೋರಿನಲ್ಲಿ 10 ಬೌಂಡರಿ ಮತ್ತು ಒಂದು ಸಿಕ್ಸರ್ ಸೇರಿತ್ತು. ಯುವರಾಜ್ ಸಿಂಗ್ 2 ಸಿಕ್ಸರ್ ಮತ್ತು 3 ಬೌಂಡರಿಗಳನ್ನು ಬಾರಿಸಿದರು.

ಸನ್‌ರೈಸರ್ಸ್ 177 ರನ್ ಬೆನ್ನಟ್ಟಿದ ಮುಂಬೈ ಇಂಡಿಯನ್ಸ್ ಆರಂಭದಲ್ಲೇ ನೆಹ್ರಾಗೆ ರೋಹಿತ್ ಶರ್ಮಾ ಬೌಲ್ಡ್ ಆದರು. ರಾಯುಡು ಕೂಡ ನೆಹ್ರಾ ಎಸೆತದಲ್ಲಿ ಕ್ಯಾಚಿತ್ತು ಔಟಾದರು. ನೆಹ್ರಾ ಮತ್ತು ಮುಸ್ತಫಿಜುರ್ ತಮ್ಮ ಬೌಲಿಂಗ್ ಚಾಕಚಕ್ಯತೆಯಿಂದ ಎದುರಾಳಿ ತಂಡವನ್ನು ಕಂಗೆಡಿಸಿದರು. ಮುಂಬೈ ಯಾವ ಹಂತದಲ್ಲೂ ಇನ್ನಿಂಗ್ಸ್ ಕಟ್ಟಲು ವಿಫಲವಾಗಿ 16.3 ಓವರುಗಳಲ್ಲಿ 92 ರನ್‌ಗೆ ಆಲೌಟ್ ಆಯಿತು.