ರಣಜಿ ಟ್ರೋಫಿ: ಪಿಚ್ ಮೇಲೆ ಓಡಾಡಿದ್ದಕ್ಕೆ ತಮಿಳುನಾಡು ತಂಡಕ್ಕೆ ರನ್ ಕಳೆದುಕೊಳ್ಳುವ ಶಿಕ್ಷೆ!
ಗುರುವಾರ, 5 ಜನವರಿ 2017 (12:49 IST)
ನಾಗ್ಪುರ: ರಣಜಿ ಟ್ರೋಫಿ ಸೆಮಿಫೈನಲ್ ಪಂದ್ಯದಲ್ಲಿ ಮುಂಬೈ ಆಟಗಾರರು ತಮಿಳುನಾಡು ಆಟಗಾರರ ವರ್ತನೆಯಿಂದ ತೀರಾ ಅಸಮಧಾನಗೊಂಡಿದ್ದರು. ಪಿಚ್ ಮೇಲೆ ಓಡಾಡುತ್ತಿದ್ದ ತಮಿಳುನಾಡು ಆಟಗಾರರ ವರ್ತನೆಗೆ ತಕ್ಕ ಶಿಕ್ಷೆಯಾಗಿದೆ.
74 ನೇ ಓವರ್ ನಲ್ಲಿ ವಿಜಯ್ ಶಂಕರ್ ಸ್ವೀಪ್ ಶಾಟ್ ಹೊಡೆದ ಮೇಲೆ ನೇರವಾಗಿ ಪಿಚ್ ಮೇಲೆ ಓಡಾಡಿದಾಗ ಅಂಪಾಯರ್ ಐದು ರನ್ ಕಡಿತಗೊಳಿಸಿದರು. ಇದಕ್ಕೂ ಮೊದಲು ಅಂಪಾಯರ್ ಗಳು ತಮಿಳುನಾಡು ನಾಯಕ ದಿನೇಶ್ ಕಾರ್ತಿಕ್ ರನ್ನು ಈ ವಿಚಾರದಲ್ಲಿ ಎಚ್ಚರಿಸಿದರೂ, ನಡುವಳಿಕೆ ಸುಧಾರಿಸಿದ್ದಕ್ಕೆ ಈ ಶಿಕ್ಷೆ.
ಆದರೆ ತಮಿಳುನಾಡು ಬ್ಯಾಟ್ಸ್ ಮನ್ ಬಾಬಾ ಇಂದ್ರ ಜಿತ್ “ನಾವು ಬೇಕಂತಲೇ ಪಿಚ್ ಮೇಲೆ ಓಡಾಡುತ್ತಿರಲಿಲ್ಲ. ವಿಜಯ್ ಶಂಕರ್ ಸ್ವೀಪ್ ಶಾಟ್ ಹೊಡೆದು ಸರಿಯಾದ ಜಾಗದಲ್ಲೇ ರನ್ ಗಾಗಿ ಓಡಿದ್ದರು. ಇದು ನಾಲ್ಕನೇ ದಿನದ ಪಿಚ್ ಎಂದು ಬೇರೇ ರೀತಿಯಲ್ಲಿ ಓಡಲು ಸಾಧ್ಯವಿಲ್ಲ: ತಮ್ಮನ್ನು ಸಮರ್ಥಿಸಿಕೊಂಡಿದ್ದಾರೆ.
ಆದರೆ ಮುಂಬೈ ಆಟಗಾರರು ತಮಿಳುನಾಡು ಆಟಗಾರರ ವರ್ತನೆಗೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಆದರೂ ಈ ಘಟನೆಗೆ ಹೆಚ್ಚು ಪ್ರಾಮುಖ್ಯತೆ ಕೊಡದಿರಲು ನಿರ್ಧರಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
