ಸಾಮಾಜಿಕ ಜಾಲತಾಣದಲ್ಲಿ ಜನಪ್ರಿಯವಾಗುತ್ತಿದೆ ರವಿ ಶಾಸ್ತ್ರಿ ಟ್ರೇಸರ್ ಬುಲೆಟ್ ಚಾಲೆಂಜ್

ಮುಂಬೈ: ರವಿ ಶಾಸ್ತ್ರಿ ಕಾಮೆಂಟರಿ ಹೇಳುವುದರಲ್ಲಿ ಎಕ್ಸ್ ಪರ್ಟ್ ಎನ್ನುವುದು ಎಲ್ಲರಿಗೂ ಗೊತ್ತು. ಇಂತಿಪ್ಪ ರವಿ ಶಾಸ್ತ್ರಿ ತಮ್ಮ ಕಾಮೆಂಟರಿ ಸಹವರ್ತಿಗಳಾದ ಇಯಾನ್ ಬೋಥಮ್ ಮತ್ತು ಸುನಿಲ್ ಗವಾಸ್ಕರ್ ಗೆ ತಮ್ಮಂತೆ ಒಂದೇ ಉಸಿರಲ್ಲಿ ಕಾಮೆಂಟರಿ ಹೇಳುವ ಟ್ರೇಸರ್ ಬುಲೆಟ್ ಚಾಲೆಂಜ್ ನೀಡಿದ್ದರು. ಅದೀಗ ಭಾರೀ ಜನಪ್ರಿಯವಾಗುತ್ತಿದೆ.

ಈಗಾಗಲೇ ರವಿ ಶಾಸ್ತ್ರಿ ನೀಡಿದ ಸವಾಲನ್ನು ಕ್ರಿಕೆಟಿಗರು, ಸಿನಿಮಾ ಮಂದಿ ಮಾತ್ರವಲ್ಲದೆ ಅಭಿಮಾನಿಳೂ ಸ್ವೀಕರಿಸಿ ಸಾಮಾಜಿಕ ಜಾಲ ತಾಣದಲ್ಲಿ ಹರಿಯ ಬಿಡುತ್ತಿದ್ದಾರೆ. ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡುಲ್ಕರ್, ರಾಹುಲ್ ದ್ರಾವಿಡ್, ವಿವಿಎಸ್ ಲಕ್ಷ್ಮಣ್, ವಿರಾಟ್ ಕೊಹ್ಲಿ, ಹಾರ್ದಿಕ್ ಪಾಂಡ್ಯ, ರವಿಚಂದ್ರನ್ ಅಶ್ವಿನ್ ಮೊದಲಾದ ಕ್ರಿಕೆಟಿಗರು ತಮ್ಮ ಟ್ವಿಟರ್ ಪೇಜ್ ನಲ್ಲಿ ರವಿ ಶಾಸ್ತ್ರಿಯವರಂತೆ ಕಮೆಂಟರಿ ಹೇಳಿ ಸವಾಲಿಗೆ ಉತ್ತರಿಸಿ ಸೈ ಎನಿಸಿಕೊಂಡಿದ್ದಾರೆ.

ಸವಾಲು ಸ್ವೀಕರಿಸಿದ ಗಣ್ಯರ ಪೈಕಿ ಲೇಟೆಸ್ಟ್ ವ್ಯಕ್ತಿಯೆಂದರೆ ಬಾಲಿವುಡ್ ಬಿಗ್ ಬಿ ಅಮಿತಾಭ್ ಬಚ್ಚನ್. ಅಮಿತಾಭ್ ಕೂಡಾ ರವಿ ಶಾಸ್ತ್ರಿಯ ಕಾಮೆಂಟರಿ ಅನುಕರಿಸಿ ಟ್ವಿಟರ್ ನಲ್ಲಿ ವಿಡಿಯೋ ಅಪ್ ಲೋಡ್ ಮಾಡಿದ್ದಾರೆ.  ಈ ಸೆಲೆಬ್ರಿಟಿಗಳಿಂದ ಪ್ರೇರಿತಗೊಂಡು ಸಾಕಷ್ಟು ಅಭಿಮಾನಿಗಳೂ ರವಿ ಶಾಸ್ತ್ರಿ ಕಾಮೆಂಟರಿಯನ್ನು ಅನುಕರಿಸಿದ್ದಾರೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ