ಅಹಮ್ಮದಾಬಾದ್: ಐಪಿಎಲ್ ನಲ್ಲಿ ಶ್ರೇಯಸ್ ಅಯ್ಯರ್ ಕೂಡಾ ಯಶಸ್ವೀ ನಾಯಕ ಎಂದು ಎನಿಸಿಕೊಂಡಿರುವುದಕ್ಕೆ ಇದೇ ಸಾಕ್ಷಿ. ಏನದು ಇಲ್ಲಿದೆ ಅಂಕಿ ಅಂಶ.
ಈ ಬಾರಿ ಪಂಜಾಬ್ ಕಿಂಗ್ಸ್ ತಂಡಕ್ಕೆ ನಾಯಕರಾಗಿರುವ ಶ್ರೇಯಸ್ ಅಯ್ಯರ್ ಇದೇ ಮೊದಲ ಬಾರಿಗೆ ತಂಡವನ್ನು ಫೈನಲ್ ಗೇರಿಸುವಲ್ಲಿ ಪ್ರಧಾನ ಪಾತ್ರ ವಹಿಸಿದ್ದಾರೆ. ಇದಕ್ಕೆ ಮೊದಲು ಕಳೆದ ಆವೃತ್ತಿಯಲ್ಲಿ ಕೆಕೆಆರ್ ತಂಡದ ನಾಯಕರಾಗಿ ಚಾಂಪಿಯನ್ ಮಾಡಿದ್ದರು.
ಹೀಗಾಗಿ ಶ್ರೇಯಸ್ ಅಯ್ಯರ್ ನಾಯಕತ್ವದ ಬಗ್ಗೆ ಭಾರೀ ಹೊಗಳಿಕೆ ವ್ಯಕ್ತವಾಗುತ್ತಿದೆ. ಅವರು ಟೀಂ ಇಂಡಿಯಾ ನಾಯಕತ್ವಕ್ಕೂ ಅರ್ಹರು ಎಂಬ ಮಾತು ಕೇಳಿಬರುತ್ತಿದೆ. ಆದರೆ ಟೀಂ ಇಂಡಿಯಾದಲ್ಲಿ ಮಾತ್ರ ಅವರಿಗೆ ಇನ್ನೂ ಸ್ಥಿರವಾದ ಸ್ಥಾನ ಸಿಗುತ್ತಿಲ್ಲ ಎಂಬುದು ಬೇಸರದ ಸಂಗತಿ.
ಕೇವಲ ಕಳೆದ ಎರಡು ಆವೃತ್ತಿಗಳಲ್ಲಿ ಮಾತ್ರವಲ್ಲ. ಶ್ರೇಯಸ್ ಈ ಹಿಂದೆ ಡೆಲ್ಲಿ ಕ್ಯಾಪಿಟಲ್ಸ್ ತಂಡವನ್ನೂ ಮುನ್ನಡೆಸಿದ್ದರು. ಶ್ರೇಯಸ್ ನಾಯಕರಾಗಿದ್ದಾಗ ಡೆಲ್ಲಿ ಒಮ್ಮೆ ಏಳು ವರ್ಷಗಳ ನಂತರ ಪ್ಲೇ ಆಫ್ ಹಂತಕ್ಕೇರಿತ್ತು. ಇನ್ನೊಮ್ಮೆ ಮೊದಲ ಬಾರಿಗೆ ಫೈನಲ್ ಗೇರಿದ ಸಾಧನೆ ಮಾಡಿತ್ತು.
ಹೀಗಾಗಿ ಶ್ರೇಯಸ್ ಗೆ ಇದು ನಾಲ್ಕನೆಯ ಐಪಿಎಲ್. ಮಾತ್ರವಲ್ಲ, ಏನೂ ಅಲ್ಲದ ತಂಡಗಳನ್ನು ನಾಯಕರಾಗಿ ಮೂರನೇ ಬಾರಿಗೆ ಫೈನಲ್ ಗೇರಿಸಿದ ಸಾಧನೆ ಅವರದ್ದು. ಹೀಗಾಗಿಯೇ ಅವರು ಐಪಿಎಲ್ ನ ಯಶಸ್ವೀ ಕ್ಯಾಪ್ಟನ್ ಎಂದು ನಿಸ್ಸಂಶಯವಾಗಿ ಹೇಳಬಹುದು.
