ಇದೀಗ ಮತ್ತೊಮ್ಮೆ ಕೃಷ್ಣ ದಾಸ್ ಅವರ ಕೀರ್ತನ ಕಾರ್ಯಕ್ರಮದಲ್ಲಿ ಭಾಗಿಯಾಗಿ ಎಲ್ಲರ ಗಮನ ಸೆಳೆದಿದ್ದಾರೆ. ಕೃಷ್ಣದಾಸ್ ಖ್ಯಾತ ಕೀರ್ತನಕಾರ. ಯೋಗ ಜೊತೆಗೆ ಕೀರ್ತನೆಗಳನ್ನು ಹಾಡುತ್ತಾ, ಭಾರತೀಯ ಸಾಂಪ್ರದಾಯಿಕ ಭಜನೆ ಹಾಡುಗಳನ್ನು ಪ್ರಚುರಪಡಿಸುವುದರಲ್ಲಿ ಅವರು ಖ್ಯಾತರಾಗಿದ್ದಾರೆ.
ಅವರ ಕಾರ್ಯಕ್ರಮಕ್ಕೆ ಸಾಕಷ್ಟು ಸಂಖ್ಯೆಯಲ್ಲಿ ಜನ ಬರುತ್ತಾರೆ. ಕೊಹ್ಲಿ ದಂಪತಿ ಈಗಾಗಲೇ ಹಲವು ಬಾರಿ ಕೃಷ್ಣದಾಸ್ ಅವರ ಕಾರ್ಯಕ್ರಮದಲ್ಲಿ ಭಾಗಿಯಾಗಿ ತಾವು ಅವರ ಅಭಿಮಾನಿಗಳು ಎಂದು ನಿರೂಪಿಸಿದ್ದಾರೆ. ಕೃಷ್ಣದಾಸ್ ಭಜನೆ ಕಾರ್ಯಕ್ರಮದಲ್ಲಿ ತನ್ಮಯರಾಗಿ ಕುಳಿತು ಕೊಹ್ಲಿ ದಂಪತಿ ತಾವೂ ಭಕ್ತಿಭಾವದಲ್ಲಿ ಮುಳುಗಿದ್ದಾರೆ. ಈ ಬಾರಿಯೂ ಅವರು ಕೀರ್ತನೆಯಲ್ಲಿ ಭಾಗಿಯಾದ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
