ತಮಾಷೆಯಾಗಿಯೇ ಸ್ಪಾನ್ಸರ್ ಗಳಿಗೆ ಟಾಂಗ್ ಕೊಟ್ಟ ವಿರಾಟ್ ಕೊಹ್ಲಿ
ಸರಣಿ ಗೆಲುವಿನ ಬಳಿಕ ಆಟಗಾರರಿಗೆ ವಿವಿಧ ಪ್ರಶಸ್ತಿಗಳನ್ನು ನೀಡಲಾಗಿದೆ. ಈ ವೇಳೆ ‘ಎನರ್ಜೆಟಿಕ್ ಪ್ಲೇಯರ್ ಆಫ್ ದಿ ಟೂರ್ನಮೆಂಟ್’ ಎಂಬ ಪ್ರಶಸ್ತಿಯನ್ನು ಹೊಸದಾಗಿ ಸೇರಿಸಲಾಗಿದೆ. ಈ ಅವಾರ್ಡ್ ವಿರಾಟ್ ಕೊಹ್ಲಿ ಪಾಲಾಗಿದೆ.
ನಿಜ ಹೇಳಬೇಕೆಂದರೆ ಕೊನೆಯ ಪಂದ್ಯದಲ್ಲಿ ಬಿಟ್ಟರೆ ಈ ಸರಣಿಯಲ್ಲಿ ಕೊಹ್ಲಿ ಬ್ಯಾಟ್ ಹೆಚ್ಚು ಸದ್ದು ಮಾಡಿರಲಿಲ್ಲ. ಆದರೂ ಸುಖಾ ಸುಮ್ಮನೇ ಒಂದು ಅವಾರ್ಡ್ ಕೊಟ್ಟಿದ್ದಕ್ಕೆ ಸ್ಪಾನ್ಸರ್ ಗಳಿಗೆ ಕೊಹ್ಲಿ ಟಾಂಗ್ ಕೊಟ್ಟಿದ್ದಾರೆ. ಪ್ರಶಸ್ತಿ ಸ್ವೀಕರಿಸಿ ಬರುವಾಗ ಮಕ್ಕಳಂತೆ ಓಡಿಕೊಂಡು ಬಂದು ಇಂತಹ ಪ್ರಶಸ್ತಿಗಳ ಪ್ರಾಧಾನ್ಯತೆ ಏನು ಎಂದು ಪರೋಕ್ಷವಾಗಿ ಪ್ರಶ್ನಿಸಿದ್ದಾರೆ.
