ಏಕದಿನ ವಿಶ್ವಕಪ್: ಕೊಹ್ಲಿ-ನವೀನ್ ಪ್ಯಾಚ್ ಅಪ್!
ರೋಹಿತ್ ಔಟಾಗಿ ಪೆವಿಲಿಯನ್ ಗೆ ಮರಳುತ್ತಿರುವಾಗ ಕೊಹ್ಲಿ ಬಳಿ ಬಂದ ನವೀನ್ ಶೇಕ್‍ ಹ್ಯಾಂಡ್ ಮಾಡಿ ಉಭಯ ಕುಶಲೋಪರಿ ಮಾತನಾಡಿದರು. ಈ ವೇಳೆ ಕೊಹ್ಲಿ ಕೂಡಾ ನವೀನ್ ಬೆನ್ನು ತಟ್ಟಿ ನಗುತ್ತಲೇ ಪ್ರತಿಕ್ರಿಯಿಸಿದರು.
ಇಂದು ಅಫ್ಘಾನಿಸ್ತಾನ ಬ್ಯಾಟಿಂಗ್ ಮಾಡುತ್ತಿದ್ದಾಗ ನವೀನ್ ಕ್ರೀಸ್ ನಲ್ಲಿದ್ದಷ್ಟೂ ಹೊತ್ತು ಅಭಿಮಾನಿಗಳು ಕೊಹ್ಲಿ ಹೆಸರೆತ್ತಿ ಕಿಚಾಯಿಸುತ್ತಿದ್ದರು. ಆದರೆ ನವೀನ್-ಕೊಹ್ಲಿ ಪ್ಯಾಚ್ ಅಪ್ ಆಗುತ್ತಿದ್ದಂತೇ ಅದೇ ಪ್ರೇಕ್ಷಕರು ಹರ್ಷೋದ್ಗಾರ ಮಾಡಿ ಸ್ವಾಗತಿಸಿದರು.
