ಪಾಕಿಸ್ತಾನ್ ವಿರುದ್ಧ ಪಂದ್ಯಕ್ಕೆ ಕೊಹ್ಲಿ ವಿಶೇಷ ಟ್ರೈನಿಂಗ್: 3 ಗಂಟೆ ಮೊದಲೇ ಅಭ್ಯಾಸಕ್ಕೆ ಹಾಜರ್
ಪಾಕಿಸ್ತಾನ್ ವಿರುದ್ಧದ ಪಂದ್ಯವೆಂದರೆ ಭಾರತೀಯ ಆಟಗಾರರು ವಿಶೇಷ ಕಾಳಜಿವಹಿಸಿ ಆಡುತ್ತಾರೆ. ಸಾಂಪ್ರದಾಯಿಕ ಎದುರಾಳಿ ವಿರುದ್ಧ ಗೆಲ್ಲುವುದು ಪ್ರತಿಷ್ಠೆಯ ವಿಚಾರವಾಗಿದೆ. ಅದರಲ್ಲೂ ವಿಶೇಷವಾಗಿ ಕೊಹ್ಲಿ ಕಳಪೆ ಫಾರ್ಮ್ ನಲ್ಲಿದ್ದು ನಾಳೆಯ ಪಂದ್ಯದಲ್ಲಿ ಕಮ್ ಬ್ಯಾಕ್ ಮಾಡಲೇಬೇಕೆಂದು ಪಣತೊಟ್ಟಿದ್ದಾರೆ.
ಈ ಕಾರಣಕ್ಕೆ ದುಬೈ ಮೈದಾನದಲ್ಲಿ ಅಭ್ಯಾಸ ಕಣಕ್ಕೆ ಇಂದು ಎಲ್ಲರಿಗಿಂತ ಮುಂಚಿತವಾಗಿ ಬಂದಿದ್ದಾರೆ. ಟೀಂ ಇಂಡಿಯಾ ಆಟಗಾರರ ಅಭ್ಯಾಸಕ್ಕೆ ನಿಗದಿಯಾದ ಸಮಯಕ್ಕಿಂತ 3 ಗಂಟೆ ಮುಂಚಿತವಾಗಿ ಕೊಹ್ಲಿ ಬಂದಿದ್ದಾರೆ.
ಅಷ್ಟೇ ಅಲ್ಲ, ತಮ್ಮ ಅಭ್ಯಾಸಕ್ಕಾಗಿ ಯುಎಇನಲ್ಲಿರುವ ಉತ್ಕೃಷ್ಟ ಬೌಲರ್ ಗಳನ್ನು ಆಯ್ದುಕೊಂಡು ಅಭ್ಯಾಸ ನಡೆಸುತ್ತಿದ್ದಾರೆ. ಐಸಿಸಿ ಅಕಾಡಮಿಯಲ್ಲಿ ಉರಿಬಿಸಿಲನ್ನೂ ಲೆಕ್ಕಿಸದೇ ಕೊಹ್ಲಿ ಕಠಿಣ ಅಭ್ಯಾಸ ನಡೆಸಿದ್ದಾರೆ.
