ಮುಂಬೈ: ಕ್ರಿಕೆಟಿಗ ಜಾಹೀರ್ ಖಾನ್ ಹಾಗೂ ಸಾಗರೀಕಾ ಎಂಗೇಜ್ ಆಗಿದ್ದಾರೆ ಎನ್ನುವುದು ತುಂಬಾ ಹಳೆಯ ಸುದ್ದಿ. ಇದಲ್ಲದೇ, ಈಗ ಜಾಹೀರ್ ಹಾಗೂ ಸಾಗರಿಕ ಘಾಟ್ಗೆ ಅಭಿಮಾನಿಗಳಿಗೆ ಒಂದು ಗುಡ್ ನ್ಯೂಸ್ ನೀಡಿದ್ದಾರೆ. ಅರೆ... ಇತ್ತೀಚೆಗೆಷ್ಟೇ ಎಂಗೇಜ್ ಆದವರು ಇವಾಗಲೇ ಗುಡ್ ನ್ಯೂಸ್ ಹೇಳುತ್ತಿದ್ದಾರಾ ಎಂದುಕೊಳ್ಳಬೇಡಿ!
ಅದೇನೆಂದರೆ ಮೇ ತಿಂಗಳಿನಲ್ಲಿ ಎಂಗೇಜ್ಮೆಂಟ್ ಮಾಡಿಕೊಂಡಿದ್ದ ಜಾಹೀರ್-ಸಾಗರಿಕ ಯಾವುದೇ ಸುದ್ದಿ ಸುಳಿವು ನೀಡದೇ ಕಾನೂನು ರೀತಿಯಲ್ಲಿ ಸತಿ-ಪತಿಯರಾಗಿದ್ದಾರೆ.. ಇಬ್ಬರ ಕೊರಳಲ್ಲೂ ಹೂ ಮಾಲೆ ಇದ್ದು ಜೊತೆಯಾಗಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಎಲ್ಲರ ಹುಬ್ಬೇರುವಂತೆ ಮಾಡಿದೆ.
ಅಂದ ಹಾಗೆ, ಈ ಗುಡ್ ನ್ಯೂಸ್ ಅನ್ನು ಚಕ್ ದೇ ಇಂಡಿಯಾ ನಟಿ ವಿದ್ಯಾ ಮಾಲ್ವಾಡೆ ಟ್ವಿಟ್ಟರ್ನಲ್ಲಿ ಇವರ ಮದುವೆ ಫೋಟೋ ಪೋಸ್ಟ್ ಮಾಡಿದ್ದಾರೆ.
ಕ್ರಿಕೆಟ್ ಹಾಗೂ ಸಿನಿಮಾ ರಂಗದ ಸ್ನೇಹಿತರಿಗಾಗಿ ನವಂಬರ್ 27 ರಂದು ಮುಂಬೈನ ತಾಜ್ ಮಹಲ್ ಪ್ಯಾಲೆಸ್ ನಲ್ಲಿ ಔತಣ ಕೂಟವನ್ನು ಇವರಿಬ್ಬರೂ ಆಯೋಜಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನೋಡ್ ಮಾಡಿಕೊಳ್ಳಿ.
