ನವದೆಹಲಿ: ಕ್ರಿಕೆಟ್ ನ ಆಲ್ ಟೈಮ್ ದಿಗ್ಗಜ ಡಾನ್ ಬ್ರಾಡ್ಮನ್ ಜನ್ಮದಿನಕ್ಕೆ ಗೂಗಲ್ ವಿಶಿಷ್ಟ ಗೌರವ ನೀಡಿದೆ. ತನ್ನ ಮುಖಪುಟದಲ್ಲೇ ಡಾನ್ ಫೋಟೋ ಹಾಕಿ ಗೌರವ ನೀಡಿದೆ.
ಇನ್ನು, ಕ್ರಿಕೆಟ್ ದಿಗ್ಗಜನ ಹುಟ್ಟುಹಬ್ಬಕ್ಕೆ ಕ್ರಿಕೆಟ್ ಜಗತ್ತೇ ಶುಭಾಶಯ ಕೋರುತ್ತಿದೆ. ಆಸ್ಟ್ರೇಲಿಯಾ ಮೂಲದ ಬ್ರಾಡ್ಮನ್ 1908 ರಲ್ಲಿ ಜನಿಸಿದ್ದರು. ಇದು ಅವರ 110 ನೇ ಜನ್ಮ ದಿನ. ಅಂದಿನ ಕಾಲದಲ್ಲೇ ಕ್ರಿಕೆಟ್ ನ ಹಲವು ದಾಖಲೆಗಳನ್ನು ಮಾಡಿ ಡಾನ್ ಎನಿಸಿಕೊಂಡಿದ್ದ ಬ್ರಾಡ್ಮನ್ ಹುಟ್ಟುಹಬ್ಬಕ್ಕೆ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡುಲ್ಕರ್ ವಿಶೇಷವಾಗಿ ಶುಭ ಕೋರಿದ್ದಾರೆ.
ಬ್ರಾಡ್ಮನ್ ನ ಉತ್ತರಾಧಿಕಾರಿ ಎಂದೇ ಬಿಂಬಿತವಾಗಿದ್ದ ಸಚಿನ್ ತಾವು ಅವರ 90 ನೇ ಜನ್ಮ ದಿನದಂದು ಭೇಟಿ ಮಾಡಿದ ಕ್ಷಣವನ್ನು ಮೆಲುಕು ಹಾಕಿದ್ದಾರೆ. ಅವರನ್ನು, ಅವರ ಭೇಟಿಯ ಕ್ಷಣಗಳನ್ನು ಇಂದಿಗೂ ಸ್ಮರಿಸುವೆ ಎಂದು ಸಚಿನ್ ಟ್ವೀಟ್ ಮಾಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
