ಮುಂಬೈ: ಶ್ರೀಲಂಕಾ, ವೆಸ್ಟ್ ಇಂಡೀಸ್ ವಿರುದ್ಧ ಸರಣಿ ವೈಟ್ ವಾಶ್ ಮಾಡಿದ್ದ ಟೀಂ ಇಂಡಿಯಾ ಮುಂಬರುವ ಆಸ್ಟ್ರೇಲಿಯಾ ಸರಣಿಯಲ್ಲೂ ಇದೇ ಸಾಧನೆ ಮಾಡಲಿದೆ ಎಂಬ ವಿಶ್ವಾಸ ಮಾಜಿ ನಾಯಕ ಸೌರವ್ ಗಂಗೂಲಿಗೆ ಇಲ್ಲವಂತೆ.
ಆಸ್ಟ್ರೇಲಿಯಾವನ್ನೂ 5-0 ಅಂತರದಿಂದ ಸೋಲಿಸಲು ಸಾಧ್ಯವಾಗದು ಎಂದು ಗಂಗೂಲಿ ಹೇಳಿಕೊಂಡಿದ್ದಾರೆ. ತವರಿನಲ್ಲಿ ಭಾರತ ಕಠಿಣ ಎದುರಾಳಿಯೇ ಇರಬಹುದು. ಆದರೆ ಲಂಕಾ ವಿರುದ್ಧ ಮಾಡಿದ ಸಾಧನೆ ಆಸೀಸ್ ವಿರುದ್ಧ ಸಾಧ್ಯವೆಂದು ನನಗನಿಸುತ್ತಿಲ್ಲ ಎಂದಿದ್ದಾರೆ.
ಈ ನಡುವೆ ಟೀಂ ಇಂಡಿಯಾದಲ್ಲಿ ಯುವ ಕ್ರಿಕೆಟಿಗರಿಗೆ ಹೆಚ್ಚಿನ ಆದ್ಯತೆ ನೀಡುತ್ತಿರುವುದರ ಬಗ್ಗೆ ಮಾತನಾಡಿದ ಗಂಗೂಲಿ, ಮುಂಬರುವ ವಿಶ್ವಕಪ್ ಗಮನದಲ್ಲಿಟ್ಟುಕೊಂಡು ಇದು ಉತ್ತಮ ಹೆಜ್ಜೆ ಎಂದಿದ್ದಾರೆ. ಅಲ್ಲದೆ, ಯುವರಾಜ್ ಸಿಂಗ್ ಕೂಡಾ ಪರಿಶ್ರಮಪಟ್ಟರೆ ಮುಂದೊಂದು ದಿನ ತಂಡಕ್ಕೆ ಆಯ್ಕೆಯಾಗಬಹುದು ಎಂದಿದ್ದಾರೆ.
